X
NIVEAU D'OCCITAN

Severina Sarrias

Domeni d'activitat : Contaire, Cantaire

Airal lingüistic : Lengadòc, Gasconha

i

La contaira,Severina Sarias originària de Leir Naut. S'es formada al conte amb Kamel Guennoun, Michel Hindenoch e del CMLO d'Alès. Pausa sa paraula simpla e clara sus los contes meravilhoses e los racontes de vidas coma se companha los qu'aimam sus lo camin entre aspror montanhòla, umor e transmission . Es tot naturalament que s'es virada cap a sa familha per l'interrogar sus l'istòria , la granda, mai subretot la pichòta, la personala, la sensibla. La que nos toca e nos fa sentir d'endacòm.
Lo cantaire Arnaud Cance es originari de l'Avairon. Sol o en grop (tres a cantar Le Comité), torna prene e adapta de cançon popularas occitanas. Trabalha de mai en mai sus de creacions mai « polimòrf », coma dins aquel projècte de Severina Sarrias. Ajuda a la creacion: Michel Hindenoch etGigi Bigot.
"LE CHEMISIER JAUNE 1944, Mémoires en Margeride"
Conte musical francés/occitan Tot public tre 9 ans. 1h Dins lo corrent d'un reportatge sus las commemoracions de junh de 1944, Marcèla reconeis Rogièr, lo seu amor de joventut. Una ondada de remembres l'envasís... Mai de 1944, en Marjarida, al còs del Massiu Central, Marcèla e sa familha veson tornar florir la prima. La guèrra es plan aquí, amb la sieuna cohòrt de dramas mas tanben d'espèr. Mentre que los resistents provan de blocar Wehrmacht,la batèsta del Mont Mouchet s'engaja. A travèrs los remembres mesclats dels diferents protagonistas, Severina Sarrias e Arnaud Cance balhan vida a una galariá de personatges estacants, esboçant un tablèu sensible d'aquesta epòca trebolada. Severina Sarrias s'es estacada de pintrar un quotidian borrolat, cadun resistant a son biais a la mòrt que ròda.... Un raconte que se contenta pas solament d'evocar la memoria mas que nos permet egalament de nos questionar sus lo nòstre mond contemporanèu, qu'aquelas istòrias universalas parlan a la nòstra consciéncia de ciutadan del sègle XXI... Un espectacle que fa question la memoria pel conte e la musica.


Sorsa 

http://fabrica.occitanica.eu/labasa/12024

Coordenadas de l'artista

Escrivètz a la Fabrica

<