X
NIVEAU D'OCCITAN

Conta'm

Estil : Jove public

Sector : Audiovisual

Domeni d'activitat : Productor, Difusor, Editor

Airal lingüistic : Gasconha, Lengadòc, Limousin

Fa part de : FIMOC, Ostau Bearnés

i

Conta’m, doblatge audiovisuau en lenga occitana.

La mission principau de l’associacion qu’ei de produsir tota sòrta de programas audiovisuaus en lenga occitana e de’n assegurar la distribucion. L’associacion Conta’m qu’ei sostenguda per las regions Aquitànias, Mieidias-Pirenèus, Lengadòc-Rosselhon e Ròse-Aups e tanben peu conselh generau deus Pirenèus-Atlantics.

Conta’m qu’ei sòci de la Fimoc e de l’Ostau Bearnés.

Ua cadena completa de doblatge.

Ua cadena completa de doblatge audiovisuau en lenga occitana qu’estó apitada entà respóner a tota demanda.

Compausada d’ua equipa de professionaus, Conta’m qu’assegura l’integralitat deus tribalhs tecnics, de la negociacion deus drets dinc a la distribucion deu filme doblat. Seleccion d’actors, distribucion, adaptacion, enregistrament, montatge, mesclatge stereo e 5.1, authoring DVD e Blu-Ray, sostitolatge, realizacion de generics, DCP.

L’associacion qu’emplega dinc a trenta cinc personas: comedians, directors artistics, detectaires, caligrafes, tecnicians deu son, autors/adaptators, grafistas, administrators de produccion.

Conta’m qu’assegura tanben la formacion deus tecnicians, comedians e adaptators a las tecnicas especificas deu doblatge. L’objectiu qu’ei de perennizar la professionalizacion d’aquesta activitat de doblatge en lenga regionau.

Formacion deus comedians.

Quaranta sheis comedians qu’estón formats en cinc ans. Conta’m qu’assegura la formacion deus comedians necessaris a las soas produccions dab Pixel Òc (http://pixeloc.com).

Aquestas formacions que s’adreçan a comedians confirmats qui son tanben locutors excellents.

L’ensemble de las tecnicas ligat au doblatge qu’ei progressivament abordat:

  • Plaçament de la votz, lo micro.
  • Ritme e alet.
  • Los ambients sonòres
  • Aprentissatge deus còdes ligats a l’usatge de la benda ritmografica
  • Tecnicas de la lectura sincròna (espiar triangulaire…)
  • Lo jòc de l’actor cap au doblatge.
  • Exploracion deu capatge vocau de l’actor, modificar la soa votz.

 

Conta’m que participa a la difusion deus programas doblats

  • Ajuda a la difusion.
  • Edicion DVD e Blu-Ray.
  • DCP destinada a las salas de cinèma.
  • Supòrts professionaus Bétadigital, ProRes, etc…
  • Formats adaptats au web, difusion en streaming.
  • Aficas cinèma, jaquetas, paperòts.
  • Guida d’acompanhament escolar entà l’espleitacion en classa realizat peu Cap’òc (centre d’animacion pedagogica en occitan).

Projeccions Cinèma

Desempuish mars de 2013, projeccions dedicadas aus escolans de las escòlas publicas bilingüas que son organizadas per Conta’m  en assocacion dab lo Cap’òc (Centre d’animacion pedagogica en occitan), l’associacion d’Art e d’Òc, atau plan com d’autas estructuras despartidas dens diferentas regions occitanofònas. Aquestas projeccions que’s debanan en vertadèrs cinèmas entà aufrir aus escolans bilingües ua experiéncia cinematografica de qualitat en lenga occitana (format DCP cinèma numeric, surround 5.1). Ua fica sintetica (paperòt 15×21) qu’ei distribuida a cada mainat present a las projeccions.  Ua afica deu filme qu’ei aufrida a cada classa. Lo Cap’òc que produseish tanben materiau pedagogic destinat aus professors qui vòlen espleitar los filmes en classa. Tecnicament, ua projeccion de cinèma que pòt estar organizada per tot lo territòri en 48h00 (delai de liurason de la copia numerica). Un moment d’escambi enter los comedians qui an doblat lo filme e los escolans que pòt estar organizat a la fin de la projeccion.Los filmes ací devath que son dejà disponibles:
  • Patata e los amics de l’òrt              26’
  • Lo Gruffalò                                          27’
  • Lo Pichon Gruffalò                           27′
  • Una plaça sus l’escoba                     27’
  • Kerity, l’ostal dels contes               80′
  • Lo jorn de las gralhas                       96’   (causida sostítols)
  • Brendan e lo secret de Kells          75’
  • Ernest e Celestina                             76’
  • Lo Hussard sus lo teit                    135′   (causida sostítols)
  • Paddington                                         95 ‘  (causida sostítols)

Coordenadas de l'artista

Association Conta’m
BP 23
64800 Nay
06 30 63 96 40

Escrivètz a la Fabrica

<

SUIVEZ LES