X
NIVEAU D'OCCITAN

Marie Coumes

Domeni d'activitat : Contaire, Cantaire

Airal lingüistic : Lengadòc

i

Cantaira e musicaira al sen de La Mal coiffée, Maria Coumes, a mostrat una novèla facieta del sieu talent d'artiste, en efièch es tanben contaira; En venent contar d'istòrias vengudas de la tradicion orala, que s'escambiavan a la velhada o entre amis, ancorats dins lo terrador e portaire de simbolisme fòrt.
-Amb « Ceux des étangs» (los dels estanhs), nos fa partejar de contes populars que forman un tablèu poetic e faceciós dels paisatges, de las gents e de sas costumas : los estanhs, la mar, la garriga lengadociana. De vilatges de uèi als primièrs pòbles. D'innocents, de vièlhs tanben...
E de cants per perlongar las istòrias e balhar de temps als pantaises. Durada 1 ora a quicòm pròche.
Tot public tre 11 ans.
Maria sap encantar lo sieu auditòri amb la poesia de son vèrb, la musicalitat de sa votz e lo sieu umor quand s'agís per exemple de la significacion dels escais, los que se balhan dins los vilatges a totes e a cadun sovent dempuèi mai d'una generacion.
-Amb l'espectacle poetic «Avèm decidit d'aver rason», Maria Coumes et Laurenç Cavalié, nos dison de pepitas de la poesia occitana de las 50 darrièras annadas.
Un fial conductor : los poetas de la decolonisacion. Dos ans de lectura, de recerca, sul biais de dire aquela poesia uèi, la metre en musica, crosar las doas lengas, crosar lo politic e nòstre rapòrt intim a la lenga occitana...
E los vaquí prèts per passar un moment suau amb vos que parlatz occitan o pas.
Prepausan aquí aquel espectacle de poesia intitulat « Avèm decidit d'aver rason » (« Nous avons décidé d'avoir raison »):
« Es de poesia », nos a escrich Laurenç, « legida, dicha, e cantada en francés e en occitan, dins una forma intima e pendent una ora. Sèm a la debuta de l'istòria e nos regalam. Es un moment de partatge simplòt que a travèrs la poesia, met en jòc lo nòstre camin de musicians e la nòstra occitanitat. »
Referéncias: Ives Roqueta, Leon Cordes, Marcèla Delpastre e Rotland Pecot.

Coordenadas de l'artista

narbonne

Escrivètz a la Fabrica

<