X

Cylsée

Estil : Cançon, Fòlc, Trad, Classic

Domeni d'activitat : Cantaire

Lenga : Bilingue Occitan-Français

Airal lingüistic : Lengadòc, Mediterranèa

i

Cylsée (Cécile Collardey) es altista, cantaira, guitarrista. De formacion classica e musiciana autòdidacta, s'es, plan jova, emprenhada de musicas de tradicions oralas de totes asuelhs. S'es aital fargada al fial de sos sejorns dins de contradas longanhas, notadament en Suècia, Ongria, o a l Japon ont demòra qualquas annadas après d'aver apres lo japonés. Après aver jogat dins un ensemble instrumental de musicas a dançar per acompanhar de bals folk, trabalha e desvolopa al dintre de l'ensemble Gaia Voci, un repertòri de musicas e cants occitans, italians o sefaradas, que li ofrís la possibilitat d'aligar votz e instruments, per l'adobament de tròces tradicionals, o per la mesa en musica de tèxtes, en aguent a còr de perseguir las bèlas tradicions poeticas coma aquela d'Occitània.

Lo recontre amb Marcel Pérès, director de l'ensemble Organum, li obrís la via del cant medieval, segon una interpretacion que religa intimament la musica anciana espirituala a l'energia de las tradicions oralas. Dempuèi 2009, es membra de l'Ensemble Organum. Apren tanben lo cant tradicional popular italian alprèp de Lucilla Galeazzi.

Cylsée creèt son repertòri basat sus un mescladís de sas compausicions, de sos tèxtes e d'adobaments de cants tradicionals. Presenta tanben d'espectacles de contes e musica e amb de contaires de tota mena ; sul tèma de nòstra rapòrt a la natura : Au creux d’un arbre amb Albert Sandoz, sul tèma d'Itàlia, Cantagiro italiano amb Patricia Vanhoutte, o l'espectacle de contes Yidish, Et quand serons-nous sages ? Jamais lamais jamais amb Sophie Layani et Carole Visconti .

Sorsa : http://www.microcultures.fr/fr/profile/view/cylsee

Coordenadas de l'artista

Paris, France

Escrivètz a la Fabrica

<