fabrica

Basa : Tota la creacion occitana
Licéncia Licence Ouverte
Thomas Lippens

Thomas Lippens

Domaine d'activité : Musicien Artiste Luthier
Genre : Trad/Populaire Expérimental/Contemporain
Secteur : Musique Ethnologie / PCI
Aire culturelle : Provence
Occitan : Un peu
Support : Spectacle vivant
Fait partie de : FeM Collectiu


Tamborinaire, percussionista e bator, bastís e inventa sos pròpis instruments. Camina tant dins lo repertòri dei musicas tradicionalas mediterranecas que dins aqueu dei musicas improvisadas. Es dins lo borbolh creatiu focean que s'emprenha de cançons occitanas, de balètis, e de musicas a dançar d'aquí e d'alhors. A Marselha, ciutat bastarda per exceléncia, farandolas e tarantèlas se contaminan, la polifonia occitana se noirrís de la poliritmia dau Maghreb, e la paghiella còrsa es pas luènh. Sei tambors lo fan viatjar despièi quauqueis annadas en dedins e en defòra de çò que si sòna "la tradicion", au rescòntre dei mèstres percussionistas coma Bijan Chemirani o Carlo Rizzo. Pendent tres annadas davala regularament a Nàpols e apren la factura de la tammorra e dau tamburello emb  Raffael Insera e Catello Gargiulo, doei musicaires-lutièrs que son au còr de l'anciana e ben viventa tradicion de la tammuriata. A partir dei recèrcas e deis instruments que fabregèt per eu, creèt son talhièr de lutièr a l'Estaca, Tambor de Masca, emb lo quau bòta au punt una gama de tambors sus quadre artesanaus. Enregistra e collabora tanben a de projècts de musica improvisada. Sa "batariá aprestada" deven lo laboratòri de totei leis experimentacions, sus lei timbres, lei colors, lo sòn, lo brut. Acompanha uèi lo grop Gli Ermafroditi (Nàpols), IDDU emb Maura Guerrera (Sicília), Bertolino Trio, e participa a la Krei Breizh Akademi 5 (Bretanha) sota la direccion d'Erik Marchand.

Fait partie de



Contactez nous a propos de cette page