fabrica

Basa : Tota la creacion occitana
Licéncia Licence Ouverte
Compagnie Montanaro

Compagnie Montanaro

Domaine d'activité : Groupe / Collectif
Genre : Trad/Populaire Expérimental/Contemporain Jazz/Blues
Secteur : Musique
Aire culturelle : Provence Monde
Occitan : Moitié-Moitié
Support : Spectacle vivant
Date : 2001
Créateur : Miquèu Montanaro
Ligams




La Compagnie Montanaro desvelopa de projèctes de creacion dins lo domeni dei musicas improvizadas, novelas musicas tradicionalas e musicas dau monde. Creada en 2001, especializada dins lo cross over, es constituada d'un nogau vivent de musicians amassats a l'entorn dau director artistic Miquèu Montanaro :

Baltazar Montanaro-Nagy (violon), Laurence Bourdin (viola de ròda), Serge Pesce (guitaaa adobada), Fabrice Gaudé (percussions) Amanda Gardone e Estelle Amsellem (contrabassa), Carlo Rizzo (Percussions), Nagy Niké (performàncias plasticasvotz), Gyöngyi Écsi (votz-Eslovaquia), François Rossé ( piano), Éléonore Weill (flabutas, cant), Roxane Martin (arpa) le groupe Vujicsics (musica ongaresa), Bujàk Andor (coires e bracs) e Pukkai Attila (cimbalum) que son au meme temps que participan ai creacions de la companhiá, traçaires de lors pròpes camins musicaus.

Aquelei collaboracions marcan la permanéncia de la dobertura internacionala e de l'ancorage provençau, mai largament occitan, un respiech dei eiretatges culturaus e una vision decomplexada dei mestissatges. Per tot dire, d'una libertat de creacion sens autra empacha que sei pròpas limitas.

Lo nomadisme artistic de la Compagnie Montanaro s'inscriu de fach dins una bastison progresaiva de palancas entre lei musicas, per fin de favorizar lei dialògs e son evolucion ; lei creacions s'assemblan e se còpan per faire de projècts una fes ambiciós, l'autra minimalistas, a l'encòp variats e convergents.

Lei fotografias d’Etienne Bertrand Weill, lo cinèma de Szomjas György o de Laetitia Carton, la poèsia de Claudie Lenzi, d’Aurélia Lassaque o Patrizia Cavalli, lo son de Manu de Barros o Serge Ortega, la dança contemporanèa de William Petit, Carol Vanni, José Montalvo o Josef Nadj, lei dessenhs d’Edmond Baudoin, lo teatre d’André Neyton, lei cançons de Arthur H, Moustaki, Gabriel Yacoub, Liette Remon o Sylvie Berger noirrisson una pensada transversala e una sensibilitat extrèma a la beutat dau rescòntre.

La Compagnie es tanben aderenta a la FAMDT e au PRIDES – Pòle Industrias Culturalas e Patrimònis.


Contactez nous a propos de cette page