X
NIVEAU D'OCCITAN

Brick à Drac

Estil : Fòlc, Celtic, Ròck, Trad

Domeni d'activitat : Grop

Airal lingüistic : Lengadòc

Membres : Mathieu Fantin : Chant, Vielle à roue, Nyckelharpa, Cornemuses, Flûtes, Banjo, Percussions au pied., Céline Fantin Palous : chant, accordéon diatonique, vielle à roue., Steeve Seriat : guitare folk, bouzouki, choeurs. , Benoît Fremaux : basse. , Denis Guillaumin : batterie, percussions

i

Brick à Drac projècta son Turbo-folk ! en seguir los vents trebatents de la sonsaina e autres instruments d'un temps passar... A la crotzada dels camins occitans, medievals e festius, la musica de Brick à Drac se complèta d'una inspiracion caluga dins la quala la lenga d'òc, las danças e legendas se constejan. Entre tròces tradicionals tornats adobats e compausicions personalas, lo grop desgatja un ambient potent. Lor Echappée Sauvage sona los dracons, lops, bruèissas e fadas per nos divertir e quitament de còps nos espaurugar amb una òbra culturalament rica, musicalament densa e variada. Brick à Drac se produsís tant plan en concèrt qu'en bal folk amb una musica ritmada, enfachinaira e dançairitz. En portant una personalitat fòrta a lors interpretacions, los occitans prepausan de concèrts plens de relèus e de colors diferents. Lo vam, la convivialitat e lo partatge emplonsan lo public dins un univèrs unic pendent prèp de doá oras. Aquí ont la modernitat es una evolucion de la tradicion, Brick à Drac s'afirmís de còrs e d'arma dins la musica del sègle 21 en ensajant de far de caduna de sas aparicions una brava fèsta populara.

Biografia

Fondada en 2003 per Mathieu Fantin e Céline Palous, la Banda del Drac fa sas primièras armas dins los balètis de Miègjorn-Pirenèus. En 2005 decidisson de mesclar musicas tradicionalas e rock. Lo grop monta puèi sus l'empont e ganha un tremplin en 2007. La vitalitat e l'originalitat de Brick à Drac son alara recompensats e la primièra virada del grop s'esclarsís a la prima/estiu de 2007 amb un vintenat de concèrts. D'aquela experiéncia seguirà l'enregistrament d'un primièr album Turbofolk en 2008, puèi d'un segond, L'Escapada Salvatja, a las sonoritats folk-rock, sortit en 2010. D'aquela davalada, lo grop ròda son primièr clip sus los tèrmes del Larzac. Coneis un succès bèl a sa difusion sul web. Al Festenal en Gavaudan lo 12 d'agost de 2011? Brick à Drac partatja l'empont amb Alan Stivell e enregistra son tresen album (en concèrt) As vist lo Live ? qu'espelís en febrièr de 2012. Aquel concèrt bòta en relèu las colors festivas e convivialas del grop davant 2000 personas. Amb gaireben 300 concèrts, Brick à Drac sortiguèt son quatren album estudiò L'Imaginarium en 2016. Fa lo jonhent entre l'energia blosa d'un folk del diable e las ricas sonoritats de son instrumentarium. En duò, Triò o QUintet quora es complet, lo grop assegura dempuèi 2007 un trentenat de concèrts cada an en tèrra d'Occitània, dins l'exagòn e quitament fòra de las termièras (Itàlia, Belgica).

Coordenadas de l'artista

12400 Saint-Affrique, France
06 71 76 25 60

Escrivètz a la Fabrica

<

SUIVEZ LES