X
NIVEAU D'OCCITAN

Peirol d'Auvèrnha - Un troubadour sous les étoiles

Airal lingüistic : Auvergne

Creator: La Camera delle Lacrime

Editor : La Camera delle Lacrime

i

Aquel concèrt rend l'integralitat de la poesia cantada de Peiròl d'Auvèrnha, poèta trobador que s'enfrentèt a las atmosfèras d'una tèrra eslonhada al sègle 12.

Plenament inspirat per l'amor cortés, en cantant los espers e las desesperadas a travèrs de melodias pregondas que nos interpelan encara uèi, Peirol nos mèna dins son viatge tras lo Sud de França, puèi Itàlia, Siria, enfin Jerusalem, avant de tornar en França, a Montpelhièr, emprenhat de colors multicolors, de sabors desconegudas, de sonoritats estonantas.

A l'escota dels dètz e set poèmas de Peiròl, testimòni tormentat marcat de l'illusion de las crosadas, a punt de cabussar, tot un univèrs nòu s'ofrís al public e lo suspren per una "performància caleidoscopica" ont los còdes d'una estetica d'uèi, d'un autre temps, o d'un autre luòc, participan a donar una lisibilitat novèla a un tèxte ancian, a una musica, a una dança.

Dins aquela remirabla aventura embelinaira e despaisanta, qu'emprunta a l'estetica occidentala e orientala per la causida dels instruments e per l'interpretacion, lo vèrb senhoreja e partatja lo tròn amb lo baticòr. Perque a la començança èra lo ritme, de longa cambiadís, al grat de l'ondulacion de la votz del cantaire, suau e movedís, e de la cadéncia dels instruments que l'acompanhan.

De ritmes evocators de vida e de moviments, de descobèrtas e de rescontres...

Daissatz un comentari

<