X
NIVEAU D'OCCITAN

La Roquette

Estil : Polifonia

Domeni d'activitat : Grop

Airal lingüistic : Provence

Membres : Audrey Peinado, Ethel Bouquin, Fanny Tulasne, Gaëlle Levêque, Mélodie Perrin, Violène Riefolo

Fa part de : Lodeleï Production

i

La Roquette, grop de polifonias naissut dins un quartièr d'Arle que ne'n pòrtan lo nom, tòrna encatar emb una vèrbia femenina, l'aquí e l'ara dei culturas popularas occitanas.

Lei tèxtes de son repertòri, eissit de la poesia de lenga d'òc, traversan leis epòcas e lei geografias, deis Aupihas au Lemosin en passant per lo Leberon vò Ardècha. Lei compausicions de Jody Staelen, Rodin Kaufmann, Manu THéron vò Henri Maquet donan ai timbres e ais armonicas de La Roquette tota sa suavitat e sa ponha. Una matièra sonòra de caractèr que dona votz a de mirgalhadas de vida.

Ancorada dins lo sòl arlatenc, La Roquette murmura vò creda l'universalitat de tèmas actuaus, e debana un racònte imaginari ais originas de la societat modèrna, en tornat visitar lo quotidian, sei doçors e sei batèstas. Lei mors contemporanas vò lo ròtle de la femna e dei minoritats s'i declinan au grat deis istòrias de carrièra, dei prostituidas, dau cople vò dei bomians.

D’istòrias enrasigadas vò vagantas per jamai, de paraulas d'una societat en quista de marcas, de ritmes urbans vò de musicas tribalas de la Mediterranèia, La Roquette trais un ramelet musicau monte se desvela la vivacitat deis emprunts a la mosaica dau Mondàs d'uèi.

Coordenadas de l'artista

6 Rue Molière, 13200 Arles, France
06 65 61 68 79

Escrivètz a la Fabrica

<

SUIVEZ LES