X

Bernat Combi

Estil : Jazz, Impro, Trad, Ròck

Domeni d'activitat : Cantaire, Musician, Escrivan, Comedian

Lenga : Occitan

Airal lingüistic : Limousin

Occitanofòne naturau, entre son paire que li aprenguet quauquas chançons dau repertòri tradicionau lemosin e sa granda-mair que li contava sovent daus contes, comptinas o randonadas, Bernat Combi fuguet nejat tre l'enfància dins la cultura tradicionala dau Lemosin. QUo es a l'adolescencia que prenguet consciencia de l'importença de "sauvar daus bocinons" de quela cultura lemosina que viviá chasque jorn.

Encontret a la sega Jan dau Melhau, grand chançonier lemosin que collectet beucèop. Aqueu li donet de la "matiaera" e li ensenhet las tecnicas dau chant modau. Donen d'alhors ensemble un espectacle qu'òbra a far la sintesa de quelas doas fonts musicalas dau Lemosin : lo chant popular, profana e pacan, e lo chant roman, sabent e crestian.

« M'an sovent dich que mon biais de chantar vesinava lo blues. Aime quela musica qu'es per io mai qu'un estile musicau. Quo es un biais d'esser, que pense plan lemosin... Aime lo planh, ente se despensa l'energia charjada de desesper qu'es per io lo sòrt dau lemosindian d'ier, de uei e doman... »

Coordenadas de l'artista

Miers, 19140 Condat-sur-Ganaveix, France

Escrivètz a la Fabrica

<