X
NIVEAU D'OCCITAN

Maurice Moncozet

Domeni d'activitat : Musician, Cantaire, Intervenent

Airal lingüistic : Limousin, Lengadòc

i

Maurice Moncozet nasquet en 1952. Musician professionau dempuei 1977, sas passions lo meneren vers la musica medievala, la musica de scena, la musica contemporana (tratament informatic dau son).

Chantaire, multi-instrumentista, explora lo repertòri de la musica medievala, a comtpar e 1977 emb Le Concert dans l'œuf, puei coma l'ensemble Tre Fontane que fonda en 1985. Aquelas doas formacions trabalhen sus las relacions entre musicas medievalas occidentalas e musicas tradicionalas dau contorn mediterranean. Participa tanben a de las òbras dau Troubadour Art Ensemble de Gérard Zuchetto notadament La Tròba, la granda antologia chantada dau trobar, e a las Trobadas, rencontres universitàrias e artisticas annadieras a l'entorn de l'òbra d'un trobador organizadas per l'associacion Carrefour Ventadour.

En 2000, fonda l'ensemble La Ròsa Salvatja. Orienta son trabalh vers un aprefondiment de l'òbra daus trobadors, Martine Moncozet pren una part foindamentala dins lo trabalh d'estudi e de traduccion daus textes. En associar a l'instrumentarium tradicionau daus instruments informatics, bandas son, videòs , Tenso Electrica - 2008, Pas e Camins - 2012 chercha una interpretacion contemporana de lurs chançons.

Trabalha regularament coma musician e compausitor per las companhiás de teatre Métaphores, Le Temps Fort Théâtre, Apsaras, Lazzi Zanni, Le Nouveau Théâtre d'Aragon…

Son interès per las musicas extrà-europeanas passet dins totas sas activitats e lo menet a trabalhar coma daus musicians dau Magreb, de l'Orient Mejan e de Bali.

En demorar en Dordonha, trabalha en collabroacion emb lo Pòle Internacionau de la Preistòria e lo Servici Departamentau d'Arqueologia, en particulier per 2 filmes de la colleccion Les gestes de la Préhistoire (la flauta aurinhaciana e lo litofòne) e 2 creacions musicalas Strates - 2004 et Appel - 2012/2013 que fan jugar instruments primitius e lutariá informatica.

En 2005 encontra lo plastician/poeta Inna Maaímura coma lo quau trabalha dins de las performanças dins lo cadre de sas expausicions e a las Poeticas Ivernalas. Maaímura realiza la partida videò dau project Tenso electrica.

Coordenadas de l'artista

24260 Le Bugue, France

Escrivètz a la Fabrica

<

SUIVEZ LES