fabrica

Basa : Tota la creacion occitana
Licéncia Licence Ouverte
Trio Toctoucau

Trio Toctoucau

Domaine d'activité : Groupe / Collectif
Genre : Trad/Populaire
Secteur : Musique
Aire culturelle : Gascogne
Support : Spectacle vivant
Membres : Cathy Castet : violon, chant, boha
Mario Peperoni : violon, chant
Pascal Lefeuvre : vielle à roue, percussions
Fait partie de : CARMA
Ligams



A l’imatge deu taboret a tres pès... Jamèi ne tomba o ne vèrsa. A l'imatge tanben d'una associacion sonòra famosa dens la tradicion bretona : bombarda e binió, la comparason se para aquiu, n'èm pas bretons mes gascons, italians.

La viola que jòga lo binió : lo continuum, dab los ritmes en mei e los vriolons bombardan o aquiu violonan : tèmas, variacions, questions, responsas... dens un caçat crotzat permanent.

La continuitat deu ritme e las nuanças melodicas que son au servici de musicas de dança posadas purmèr dens las tradicions occitanas, puish nèo trad (compausicions) e quauques estandards de la varietat internacionau ! Per completar lo tablèu, quauquas danças cantadas meten en valor la musicalitat de la lenga occitana o de las lengas d'Itàlia e per variar las colors i botam d'autres instruments com cornamusa e percussions.

Lo noste repertòri qu'es compausat de musicas de dançar interessantas e plasentas per l'auditor e lo musician ; aimam jogar dab los sons, crear atmosfèras que cambian e retenen tostemps l'atencion deu public, dançaire o non. Los per-humam de quauquas folias, clunhadas umoristicas, se possible.

TOCTOUCAU qu'es lo nom d'un barri dvisat entre 2 comunas, Peça e Marchaprima. Aqueth mot ven segurament de l'expression "Tòca tot shau". De hèit, avant la plantacion de pins, aqueth lòc marcava la debuta de la sanha e de las lagunas e quand se menavan los tropèths o las carretas calèva har particularament atencion.

Çò que nos agradèt dens aqueth nom es qu'es 100% gascon e que hè pensar a tèrras longanhas. Marca la frontièra entre lo mond normau e lo desconeishut, l'aventura.


Contactez nous a propos de cette page