X

Patrick Vaillant

Estil : Classic, Jazz, Fòlc, Trad, Cançon

Domeni d'activitat : Musician, Intervenent

Lenga : Bilingue Occitan-Français

Airal lingüistic : Provence

i

Patrick Vaillant es naissut lo 15 d'agost de 1954 a La Ciotat.

Es un pionièr e un actor màger dei musicas tradicionalas dins sa region, despuèi notadament Bachas e Bachas Mont-Jòia.

Son camin d'instrumentista coma de compausitor illustra la continuitat entre aqueu terrenh d'ancoratge e d'asuelhs multiples e dobèrts : cançon, musicas improvizadas, musicas mediterranencas, balèti, teatre, dròlles.

Son bagatge tradicionau, son gost de l'improvizacion, una inspiracion traversada de Mediterranèia e de jazz, l'originalitat de son jòc coma de sei compausicions, faguèron d'eu un mandolinista internacionalament reconeissut e recercat.

Son percors lo mèna vèrs lei scènas jazz e classicas coma de musicas dau monde. Menaire de nombrosas creacions, es tanben convidat sus lei projèctes d'autres artistas, respònd ai frequentas comandas d'escritura o d'adobament, e se vei regularament sollicitar per de masterclass, e juradas de mandolina.

Fondèt lo Melonious Quartet, promièr quatuòr de mandolina modèrna en França. Au dintre dau Frònt de Liberacion de la Mandolina desvolopa lo concèpte d'altermandolina e farga l'Oumanpo (Obrador de Mandolina Potenciala).

Viu a Niça, e mèna la companhiá Mandopolis, coma lo Mandopolis Festival.

Joguèt sus l'empont o sus disc emb, entre autrei : Riccardo Tesi, Jan-Maria Carlotti, Michel Marre, Daniel Malavergne, Gianluigi Trovesi, Barre Phillips, Gabriele Mirabassi, Bijan Chemirani, Stelios Petrakis, Denis Fournier, Bernard Santacruz, Manu Théron, Marco Cesar, Alain Blesing, Gérard Pansanel, Claude Barthélémy, Michel Benita, Senem Diyici, Jacky Molard, Alain Gibert, Kepa Junkera, Nando Citarella, Frédéric Cavallin…

Coordenadas de l'artista

Nice, France

Escrivètz a la Fabrica

<

SUIVEZ LES