fabrica

Basa : Tota la creacion occitana
Licéncia Licence Ouverte
AMTP Quercy

AMTP Quercy

Domaine d'activité : Éditeur de musique Agence Artistique
Genre : Atelier / Stage Trad/Populaire
Secteur : Musique Ethnologie / PCI
Aire culturelle : Languedoc
Occitan : Moitié-Moitié
Support : Spectacle vivant
Date : 1985
Ligams



L’Association per las Musicas de Tradicion Populara en Carcin (AMTPQ) foguèt fondada en 1985 per de musicians, de dançaires e de defensors de la cultura regionala, tesicós de promòure las tradicions musicalas ancianas o viventas en Carcin.

Es compausada de simpatizants e de musicians professionals o amators, que se consacran a la difusion de la musica tradicionala, essencialament regionala, per l'animacion dins las vilas e vilatges, dins las escòlas, del temps de fèstas. Se consacra tanben a la formacion de musicians e dançaires tradicionals, del temps d'estagis e de talhièrs de cants, de danças, de pratica instrumentala. De gropes folclorics oltés tesicós de presentar e restituir las danças, cants e musicas collectadas, aderisson tanben a l'AMTP Carcin.

L’associacion participa a la promocion de gropes de musica tradicionalas regionals e de gropes que presentan de tradicions mai longanhas (musicas orientalas, musicas del Magreb...).

L’AMTP Carcin recampa uèi mai de 415 aderents : de personas isoladas, de parelhs, e d'associacions. Demest aqueles aderents, de nombroses musicians joves o adultes.

Al nivèl regional, l'AMTP Carcin aderís al centre de las musicas tradicionalas en region (Conservatòri Occitan de Tolosa) e a la FAMDT (Federacion de las associacions de musicas e danças tradicionalas).

Un trabalh sistematic de collectatge de cançons e de musicas instrumentalas foguèt entrepres alprèp dels "ancians". Los fons consitutit foguèt cedat als Archius Departamentals d'Òlt. S'agís de documents audiò o audiò-visuals. L'edicion de caissetas audiò, vidèo e de CD completèt aqueles collectatges. A fin de mai de 2005, l'album Atlas sonore de la Dordogne quercinoise veguèt lo jorn aprèp doás annadas de collectatges dins lo Nòrd del departament. En 2008, l'AMTPQ tòrna editar jos forma de CD Aval aval, cants e musicas de Carcin tornadas interpretar pels cantaires e musicians de l'associacion. De repertòris de musicas per violon, acordeon diatonic, foguèron tanben editats, tant plan qu'un metòd d'aprendissatge per acordeon diatonic (2011).

Aquel fons collectat que representa un patrimòni musical important servís de basa a l'activitat pedagogica menada al dintre de las Escòlas de Musica d'Òlt cap als aprendisses musicians.


Contactez nous a propos de cette page