X

tRaucatèrme

Estil : Fòlc, Trad, Ròck, Ska

Domeni d'activitat : Grop

Lenga : Occitan

Membres : Patrick Bec : accordéon diatonique, trompette, gralla, flauta, Yves Cassan : cabrette, Yves Portefaix : gralla, saxophone, brau, Gilbert Chausy : batterie, Michel Croizet : accordéon chromatique, Pascal Geoffray : violon, guitares, basse, Serge Laroussinie : basse, trompette, harmonica, gralla, Henri Pareilh-Peyroux : guitare

Airal lingüistic : Auvergne

i

Literalament tRaucatèrme es lo chafre donat a los que fan pas coma tot lo monde. Los fòls que traucan los forrats, que passan las boinas (al sens pròpre coma al figurat) e barrutlan sus los camins de travèrsa.

Aqueles cantalons se son amassats a l'entorn de las musicas tradicionalas, mas daissan aps de caire los autres genres. Lor repertòri es la frucha de collectatges e de qualquas compausicions, mas se l'enveja los en pren i pòdon aligar los cants en occitan als ritmes reggae, rock o ska. Un biais de se laissar crèisser d'alas en gardant las raices musicalas d'aquí.

Parièr pels instruments, l'i trobam un diatonic, un cromatic, un brau, una cabreta, qualquas guitarras, electricas o pas, un trombòn, una trompeta e una batariá. La resulta vesina çò que fan Nadau, en Bearn, o Tri Yann, en Bretanha, influençat tanben (de mai luènh) per Obrint Pas, los Pogues, Massilia, Lubat...

De còps de pè, ne vòlon plan donar als teneires d'una musica tradicionala passadista e de la viola vonvon de campanha, als embarrats del rock forçadamant ciutadan. Aquò's segur, sèm pas acostumats d'ausir una borrèia electrificada al biais d'un rock espés, de riffs a la cabreta, d'intròs a la batariá e a la bassa. Mas tot es perfiechament assimilat, degerit e compactat amb un bricon d'espontaneitat que trobam encara mai fòrt en concèrt.

Coordenadas de l'artista

15800 Vic-sur-Cère, France

Escrivètz a la Fabrica

<

SUIVEZ LES