X
NIVEAU D'OCCITAN

Gilbert Chiron

Domeni d'activitat : Contaire

Airal lingüistic : Provence

Fa part de : TRAC

i

Gilbert Chiron es un contaire, en francés mai en provençau, estacat au Ventor e a tot çò que si ten a sei pès. Fai partida dau TRAC (Teatre Rurau d'Animacion Culturala). Prepausa mai d'un espectacle :

Lei contes dau Ventor

Lo Ventor lo vesèm dins tot lo comtat e ara i a benlèu un lop que nos regacha d'amont naut ! Perque lo lop es tornat dins nòstrei montanhas après un sègle d'abséncia. Vos contarai d'istòrias de nòstrei vilatges en francés e en provençau "ounte  se n’en passo mai que dins uno coucourdo" ont i a de curats pas coma leis autrei, ont de pastres legisson dins leis estelas e ont la petada d'un ase anoncia la mòrt.

Contes d'una nuèch d'ivern

Un ser de Nadau dins la Crau, la nèvia èra tombada belament, au mens 50 centimetres, impossible d'anar a la messa de mièja-nuèch, la glèisa èra tròp luènh.

La familha aviá decidat de festejar Nadau coma que vague, e aviá convidat aquelei que s'èran trobats blocats per la nèvia.

L'aviá un pastre dau Ventor, vengut crompar d'anhèus, un carretièr que veniá d'Arle, un carpentrassian vengut caçar lo canard, un monge convèrt de la Montanheta. Totei aquestei gents èran blocats per la nèvia.

Lo baile èra urós d'ofrir l'ospitalitat a aquestei gents dins son mas, obligats de festejar Nadau luènh de sei familhas. Lor diguèt : "per rengraciar dau vòstre repais, cadun contarà una istòria aqueste ser !".

E es ma femna que començarà.

Emb Marie Madeleine Martinet  que canta d'aires tradicionaus de Provença e d'Occitània.

Magnan, Trac'conté !

Una longa istòria d'amistat liga lo TRAC a l'escrivan Pierre Magnan, creator entre autrei dau comissari Laviolette. Dins Magnan, Trac'conté !, dos comedians e un musician se tòrna trobar a l'entorn d'unei tèxtes de Magnan dichs coma de contes. Lei contaires, la musica e lei cançons nos faràn viatjar dins l'univèrs de Magnan : de terradors rufes e misteriós ont vivon d'estranhs personatges arrapats a sa tèrra, e que pòdon de còps fargar de trapèlas redotablas ò mostrar una deliciosa e maliciosa umanitat.

Coordenadas de l'artista

84250 Le Thor, France

Escrivètz a la Fabrica

<

SUIVEZ LES