X

Duo Matta-Rouch

Estil : Trad

Domeni d'activitat : Grop

Lenga : Bilingue Occitan-Français

Membres : Pierre Rouch, Robert Matta

Airal lingüistic : Gasconha, Lengadòc, Catalunya

D'en primièr butats pel desir de tornar fargar d'instruments oblidats, Robert e Pierre vos prepausan una musica variada ont cornamusas e autbòis se maridan per far de duò tradicionals de tota mena.

Mai particularament atirats per las Pirenèas, aqueles dos musicaires vos faràn descobrir las sonoritats particularas del clari, de la samponha, de l'aboes del Coserans, de las cornamusas aragonesas, catalanas o aranesas.

Enveja d'autenticitat o besonh de dançar, vaquí çò qu'aqueles dos musicians, aqueles dos lutièrs gaujoses e creatius, aqueles dos amoroses de las Pirenèas, pòrtan amb lors cornamusas e lors autbòis : una musica tradicionala, colorada, una grand buf d'aire fresc !

Maitas formulas son prepausadas :

Lo concèrt virat a l'entorn d'una granda causida d'instruments de vent essencialament pirenencs mas tanben lengadocians coma la bodega o la chabreta lemosina. Concèrt didactic pendent lo qual plan de cançons tant bascas qu'occitanas o catalanas seràn cantadas.

Lo bal. Rics de lor experiéncia eissida dels grops Trencavel e Gadalzen, Pierre e Robert tornaràn prene totas las cançons de dançar de Trencavel compausadas per Alain Floutard e Robert Matta. Las danças tradicionalas actualas vos seràn jogadas aqueste còp amb la preséncia de l'acordeon, de la guitarra, del cant e, plan segur, de l'ensemble de cornamusas e autbòis.

Lo passa-carrièra articulat a l'entorn de duòs potents coma la gaita de Boto e la samponha, la bodega e lo graile, lo sac de gemecs e la tarota catalana.

Coordenadas de l'artista

www.cornemusesoccitanes.com
0623148352

Escrivètz a la Fabrica

<