X

Éric Fraj

Estil : Cançon, Poësia, Nòva cançon

Sector : Literatura

Domeni d'activitat : Cantaire, Escrivan

Lenga : Bilingue Occitan-Français

Airal lingüistic : Lengadòc

i

Eric Fraj, bnascut en decembre de 1956, es un cantaire e autor occitan contemporanèu que tanben canta qualquas cançons en catalan o castelhan.

Entamenèt sa carrièra musicala a Bordèu en 1971 qu'aviá pas encara quinze ans en primièra part d'un concèrt de Claudi Marti. Trabalha e demòra dins lo país tolosan (Murèth), ont ensenhèt l'occitan e la filosofia al licèu. Canta de poèmas de grands autors occitans coma Joan Bodon o d'escrivans André du Pré o Josa-Maria Caballero Bonald qu'a mes en musica amb sa guitarra. Interprèta tanben de tèxtes personals. Sa musica s'enrasiga e s'endralha dins un mond mediterranèu e sa votz s'inspira del cant liric. En 2000, interpretèt lo ròtle del trobador Jaufre Rudèl dins L’Amour de Loin, espectacle escrich e mes en scèna pel guitarrista Vicente Pradal. En genièr de 2005 cantèt amb Lluís Llach la cançon A força de nits a Tolosa.

En 2010, crèa l'espectacle Pep el Mal, basat sus l'istòria del seu grand-paire, imigrat valencian (Alcoi) a L'Avelhanet, e que trasmetèt lo gost del cant e de las lengas a son pichon-filh.

Eric Fraj es acompanhat per divèrses musicians coma Guilhem Lopez o Jean-Raymond Gélis.

Éric Fraj anoncièt en 2017 son ultima creacion, Rdv, mas s'arrestarà pas çaquelà de cantar, a la damanda.

Coordenadas de l'artista

31600 Muret, France

Escrivètz a la Fabrica

<