X

Daniel Chavaroche

Estil : Cançon, Fòlc, Trad, Teatre, Jove public

Sectors : Literatura, Teatre

Domeni d'activitat : Cantaire, Contaire, Escrivan, Musician, Intervenent, Comedian

Lenga : Bilingue Occitan-Français

Fa part de : Compagnie des Arts Modestes

Airal lingüistic : Lengadòc

i

Nascut a Sarlat en Peiregòrd Negre, d'en prumier institutor de vilatge vengut mèstre d'occitan, Daniel Chavaroche se botèt a escriure al fial dels ans, en s'inspirant de son país. Fai siá l'assercion de Miguel Torga : "l'universal, aquò's lo local sens los murs".

Conta aurá dempuèi un bon trentenat d'annadas, en francés e en occitan. Se definís coma "contaire de país".

Autor de tèxtes de cançons pels gropes Peiraguda, puèi Pissafreg, escriu tanben dels cants, dels jòcs cantats, dels contes e contairòlas pels drollets qu'aprenon l'occitan en classa.

Es tanben autor de libres e obratges sus la cultura d'òc.

Lo rugbí a segurament condicionat son biais d'èsser, de veire la vita, sens dobte tanben de la contar.

"… Lo rugbí, çò ditz, mas aquel dels camps, lo vertadièr !.. Un long eprcors iniciatic de quasi vint e cinc ans de juèc... A 'quel rugbí de campanha, vertadièra universitat de la vita, ai perseguit dels estudis perlongats... Escolan un pauc banturle, ai belcòp redoblat !.."

'Quò's d'aquel terrador que son nascuts los espectacles rugbifiles de contes a doás votz : On est pas venu là pour en prendre e Y a pas que le rugby dans la vie... que jòga emb Joan Bonnefon, l'amic de totjorn.

Ensemble, crèan la Compagnie des Arts Modestes, mena de cooperativa qu'a per objectiu d'aidar a la creacion dins lo domèni del conte, de la cançon e de la musica.

L'accion pedagogica

De sa carrièra d'institutor, Daniel garda lo gost per l'aida a la creacion de contes en mitan escolar, que pratica emb plaser cada annada dins de las escòlas, dels colègis o dels licèus que l'i n'en fan la damanda.

Li arriba tanben d'animar dels estagis per adultes.

Coordenadas de l'artista

Lieu dit La Rouchie, 24290 La Chapelle-Aubareil, France
05 53 50 74 03

Escrivètz a la Fabrica

<