fabrica

Basa : Tota la creacion occitana
Licéncia Licence Ouverte
Joan-Pau Verdier

Joan-Pau Verdier

Domaine d'activité : Chanteur Écrivain
Genre : Chanson Pop/Rock Trad/Populaire
Secteur : Musique
Aire culturelle : Limousin
Occitan : Moitié-Moitié
Support : Spectacle vivant
Date : 1973
Ligams



Joan-Pau Verdier es un chantaire occitan nascut lo 1er de febrier 1947 a Peiregüers. Faguet sos estudis a Bordèu, e visquet a Parí avant de se fixar vers Sarlat.

Comença a chantar dins los cabarets e enregistra prumier un 45 torns, Desemplumat, seguit d'un 33 torns nomenat Occitania sempre en 1973. D'abòrd essencialament folk, sus daus textes tant en occitan qu'en frances, la musica de Joan Pau Verdier vai evoluar vers lo rock tanleu la fin de 1973.

Joan Pau Verdier es considerat coma una figura fara de la reniassença de la chançon occitana dins las annadas 1970, en se desmarca desjà per son trabalh musicau moderne, eclectic e recherchat, tant coma per sa votz, que fai pensar a son "mestre" Léo Ferré, qu'aguet l'ocasion de rencontrar mai d'un còp, d'interpretar en occitan, e emb de la conviccions anarchistas que partatja.

Prumier representent de la cançon occitana a chantar en lemosin, fuguet tanben lo prumier a signar chas una majòr parisiana (Philips aquí). Aqueu fach, que sembla pertant de ren uei, fuguet pro criticat e reprochat a Verdier a 'queu moment, per una part dau mitan occitanista.

Joan-Pau Verdier respondet a la critica emb umor (e emb l'ajuda de son paraulier dau moment, Micheu Chapduelh) dins la chançon Sei una puta (L'exil, 1974), entre autras. Çai que lai, aquel episòdi constituet un viratge dins sa carriera.

Seguet una periòda "parisenca" per Verdier, ente electriset sa musica, s'environet de musicaires renommats per enregistrar daus disques mai en francés. Paradoxalament, aquela periòda 'chabet de lo far coneisser au niveu nacionau.

En 1983, Joan Pau Verdier copa emb Philips e contunharà d'enregistrar daus disques jusinca 1990 e una pausa dins sa carriera.

Dins las annadas 1990, Joan Pau Verdier fai son tornar a la terra, e en Peiregòrd se vos plai. Participarà au project Bigaròc coma sos amics de Peiraguda Joan Bonnefon e Patric Salinié. Enregistrarà tanben un album de represas de Léo Ferré en occitan que, per manca de distributor, serà difusat nonmàs en 2001. Puei enchadenarà per un project a l'entorn de Georges Brassens, emb sos compaires Bonnefon e Salinié.

Joan Pau Verdier prepausarà a comptar de 2007 un noveu repertòri centrat sus Léo Ferré, qu'interpreta en occitan emb un brave succès. Seguiràn un project discografic a l'entorn daus trobadors puei Les Rêves Gigognes (2010), un tornar a de las creacions mai personalas, darrier trabalh per aurá per Joan Pau Verdier.

Joan-Pau Verdier es enquera actiu dins l'univers occitan, e anima « Meitat-chen, meitat-porc », una emission de ràdio en lenga d'òc sus França Blu Peiregòrd, en companhia de Nicolas Peuch. L'i realiza una cronica rufa e setmaniera, 'massada en un recuelh, Lenga de pelha (2017).

Joan-Pau Verdier escriguet la banda originala dau film (en occitan) Histoire d'Adrien, de Jean-Pierre Denis, camera d'aur au festenau de Canas en 1981.









Contactez nous a propos de cette page