X
NIVEAU D'OCCITAN

Christian Vieussens

Estil : Impro, Trad, Jazz

Domeni d'activitat : Musician

Airal lingüistic : Gasconha

Christian Vieussens qu'ei un musician gascon.

Que comença la musica dab lo pair flabutista en 1961, puish qu'ei eslhèva de flabuta au Conservatòri de Bordèu e au Conservatòri de Gand (Belgica).

A comptar de 1976, qu'entinoa un tribalh de recèrcas apregondidas sus las musicas de tradicion populara en Gasconha e que vad responsable deu departament de Musicas Tradicionaus dens l'ADAM Gironda. Qu'ensenha la musica dinc a 1985.

Ad aqueth moment, que fonda la Companhiá Vieussens, que maneja enquera, e vad compositor e interprèta a temps plen, acompanhant l'Orquèstre Regionau de Jazz d'Aquitània o enquera Bernat Manciet.

Que's rapròcha tanben de Bernat Lubat e qu'intègra la soa companhiá.

Proposant sos talents de multi-flabutista, Christian Vieussens qu'apareish dens mei d'ua formacion variada, qu'apita regularament espectacles, sol o en petit comitat, dab François Rossé, François Dumeaux, Mixel Etxekopar...en tot s'assegurar de tostemps deishar una beròia plaça a l'improvizacion.

Qu'ei despuish 1999 titulari deu Carilhon de l'Agulha de la gleisa Sent Miquèu de Bordèu, aquò n'ei donc pas rare d'audir, jogats a la campana, aires deu repertòri tradicionau occitan gascon.

Christian Vieussens qu'ei tanben pintre, çò qui apareish quauques còps dens sas creacions musicaus, en las har venir creacions multi-supòrts.

Coordenadas de l'artista

2 Place Porte Neuve, 33490 Saint-Macaire, France
05 56 83 76 59, 06 08 93 61 01

Escrivètz a la Fabrica

<