X
NIVEAU D'OCCITAN

Sa Xerxa de Teatre Infantil i Juvenil de les Illes Balears

Estil : Teatre, Teatre de carrièra, Jove public

Sector : Teatre

i

La Xerxa de teatre infantil i juvenil de les Illes Balears es una entitat sens tòca lucrativa que, dempuèi 2003, a coma objectiu d’estructurar e promòure l’ofèrta teatrala per a enfants e joves pertot dins las Illas. Promòu e participa a aquelas iniciativas publicas e privadas qu’an la finalitat d’impulsar las arts scenicas, lo léser e las manifestacions artisticas e culturalas en general.

Lo projècte far de Sa Xerxa es la Fira de teatre infantil i juvenil de les Illes Balears (FIET), que dempuèi 2002 se celèbra a Vilafranca de Bonany. La FIET acampa de milierats de personas e de desenats de companhiás e professionals de la gestion teatrala ; e transforma Vilafranca en una veirina del teatre per enfants e joves fach a las Illas e de delà de sas frontièras. Durant aquelas annadas, foguèron promòuguts d’autres projèctes coma la Mostra de Formentera, lo Festival de teatre per a fiets i fietes de Maó, o lo Festival d’Estiu de Montuïri, entre autres. 
Tanben impulsa la creacion teatrala, amb lo Prèmi Guillem d’Efak de tèxtes de teatre per la joenessa ; e la produccion, amb lo Concors de Producció d’Efak (PD’F) e lo concors BÒTIL de produccions de teatre e literatura.

D’autre latz, afavorís la difusion del teatre pertot amb lo circuit Teatre Als Pobles (TAP), amb lo qual ajuda las entitats localas e las institucions educativas e culturalas a gaudir del teatre de qualitat pels mai pichòts.


Descobrir las accions de Sa Xerxa sus son site internet : http://www.saxerxa.org/ca

Coordenadas de l'artista

(0034) 871 706 260

Escrivètz a la Fabrica

<