fabrica

Agenda : Tota la creacion occitana
Licéncia Licence Ouverte
Total Festum

Total Festum

Secteur : Littérature Musique Danse Théâtre Audiovisuel Conte
Aire culturelle : Languedoc Gascogne Provence
Occitan : Moitié-Moitié
Support : Spectacle vivant
Créateur : Région Occitanie


PRESENTACION

Creat en 2006 a l'iniciativa de la Region -a l'epòca Lengadòc e Rosselhon – Total Festum es organizat en partenariat amb los actors culturals e associatius regionals mercés a un apèl a projèctes annual, per far viure e festejar l'occitanitat e la catalanitat.   

Aital, cada an e pendent prèp de dos meses, de mai a la debuta de julhet, amb la data del 21 de junh coma acme de las programacions, lo public grand a accès gratuitament a d'unas produccions culturalas, festivas e participativas... representativas de la diversitat e de la riquesa de las lengas e culturas regionalas. Musica, dança, gastronomia, conferéncias, passejadas e espectacle de carrièra ofran a cadun totas las savors de las culturas regionalas a l'entorn dels fuòcs de la Sant Joan. 

Total Festum dona a veire una cultura millenària enrasigada dins un territòri e dobèrta sul monde : La tradicion amb, per exemple, la dança dels bofets de Cabestanh, la davalada de la flama del Canigó amb los enfants a Vilafranca de Conflent, la Transumància dels motons als Ayres... La memòria tanben amb l'espectacle istoric del Pont de Montvert. La transmission amb d'unes recampaments d'escolans a l'entorn d'espectacles vius en lengas regionalas a Aush (32), Besilha (34), Mende (48), Campendut (11), Vilafranca de Conflent, Serinhan (34)... Un pauc de folia amb la fèsta del Cese a Montaren (30), la Fèsta-Fogassa de Mervièlh, la correguda de 24 oras dins Corbièras... 

Un aire de fèsta, de partatge e de convivéncia d'en pertot sul territòri de la granda Region amb una centenat d'espectacles. 

INFORMACIONS PRACTICAS


Pagina dedicada a Total Festum sul site internet de la Region Occitània :  AQUÍ 

Contacte : Unitat catalana-occitana de la Region Occitània 
Ents.  04 34 35 77 26


Contactez nous a propos de cette page