« A plea votz, la canta polifonica pirenenca que retreneish uei mei que jamei a las hèstas locaus, las seradas au cafè, après los concèrts o aus refugis de montanha. Ua vitalitat contemporanèa inatenduda, qui s’arretròba deu País basco a la Catalonha, mercada per l’espontaneïtat e la convivialitat de la canta enter amics, e neurida de las soas arradics ancianas. La canta polifonica e los sons actors qu’an sabut conservar un repertòri d’uns quants centenats de cantas, mes que l’an tanben enriquit en i hornint de navèras creacions, viste consideradas com classics.
Los hestaus de cantas tradicionaus de Siròs en Bearn e d’Ibòs en Bigòrra qu’an arreviscolat la transmission e la practica de la canta. De dètz ans ençà, Tarba qu’organiza un hestau internacionau de polifonias – Tarba en Canta – qui arcuelh artistas de tota l’Euròpa deu Sud. Autant de ponts enter tradicion rurau e environament urban, joens e vielhs, autoctònes e navèths abitants deu departament.
En s’interrogant en 2019 suu cant polifonic aus Pirenèus, aqueth libe, neurit per ua vasta cultura musicau e ua coneishença pregonda de las cantas tradicionaus, qu’explòra la dinamica enter conservacion e transformacion e que hica en valor los grops polifonics contemporanèus. »
Tà’n saber mei :
http://www.jour-des-arts.com/boutique/livre/souscription-cantar.html
