X

16

Mar

Lenga : Bilingue Occitan-Français

Eveniment - « Lo buf de la prima » - serada poetica

Del : 16 març 2019 18:30

Al : 16 març 2019 21:30

Luòc : Place Lange, Arche 4, 31000 Toulouse

Tipe : Cinèma

Airal lingüistic : Lengadòc

i

Al mes de març, un vent de poesia e de cultura va bufar sus los cais de Garona ! Lo CIRDÒC-Mediatèca occitana vos convida a la Topina, restaurant-cafè cultural, a l'escasença de dos eveniments.
Lo 05/03, venètz descobrir las festivitats de la Baio de Sampeyre
Le 16/03, lo CIRDOC vos propausa per lo primièr còp en defòra, una edicion de son Cafè mescladís dedicada a la buf poetic, a l'escasença de l'edicion  2019 de la Prima dels Poètas. 

Aquelas doas seradas nos permetràn d'inaugurar un partenariat amb  la Topina, uèi installat al Pont de Sant Pèire a Tolosa, a l'entorn de sas accions de promocion e de sensibilizacion del public gran a la lenga e a la cultura occitanas, notadament pel biais de l'accès al libre.

PROGRAMA DETALHAT

18:30 /  Avèm decidit d’aver rason - dialog musical e poetic. Amb  Marie Coumes, Laurent Cavalié e Roland Pécout. 
Avèm decidit d'aver rason, creacion de Laurent Cavalié e Marie Coumes, es un crosament de las lengas, francesa e occitana, lengas escrita e musicala. Dos ans de trabalh e de recèrca a l'entorn de la poesia occitana d'aquelas 50 darrièras annadas, an donat naissença a aquel espectacle que met en lum qualques-unas de las pepitas dels poètas de la descolonizacion, dont l'incontornable poèma eponim de Rotland Pecot.
Los artistas animaràn una discutida musicala e poetica en companhiá de l'escrivan.
20:00 / Scèna dobèrta : « De la poesia al slam, las lengas s’expriman a la Topina »
Los amators de mots, son los benvenguts per aquela scèna dobèrta slam/poesia. Dins un ambient convivial, poiretz escotar, dire, clamar, slamar o cantar d'unes tèxtes de la vòstra causida, dins lor lenga d'origina o dins la vòstra. 

Per participar a aquela aventura literària, inscrivètz-vos sens esperar al prèp de :  info@cirdoc.fr (abans lo 15/03) 

INFORMATIONS PRATIQUES

La Topina - Restaurant-Café culturel occitan 
Place Lange, Arche 4 - Rue du Pont Saint-Pierre - Toulouse 
06.15.32.34.73
la.topina.tls@gmail.com

Daissatz un comentari

<