Es un espectacle arcolan per tornar prene la formula qu'utilizèt Mandela per pintar l'Africa del Sud post-apartheid. Un espectacle fach de teatre, de musicas, de danças, mas tanben, mas sustot, mestissat de lengas que la mondializacion culturala menaça.
A la debuta, i aviá un pichon que registrava son grand quand li parlava una lenga que li semblava pivelaira : l'occitan. La lenga nòstra, disiá lo vièlh. Uèi, Christophe Rulhes es vengut antropològ, musician e, amb l'acrobata, coregraf, scenograf, Julien Cassier, co-fondator del GdRA, aquela tropa unica de teatre tolosana.
Unica per de qué lor projècte sembla a pas cap d'autre. Ne testimònia aquel estranh e vivificant espectacle evidentament batejat Lenga. I vesèm, i ausissèm un acrobata de carrièra de Madagascar (Maheriniaina Pierre Ranaivoson), un iniciat Xhosa d'Africa del Sud (Lizio James), un comedian Tolosan, un musician Occitan que jòga de la cabreta e de platinas. I parlam un occitan desbarrassat de sa ganga folclorista, i ausissèm de lengas, malgachas, sud-africanas, que lo rabòt cultural amendrís cada jorn un pauc mai. I seguissèm, entre Lo Cap e Antananarivo, las astradas de mametas que semblan venir d'un monde en mutacion complèta...
Lenga es de l'antropologia joiosa.
Durada : 1h40
Tre 7 ans
Espectacle en partida jostitrat
Dins lo quadre del Temps Fòrt : Je parle... Patois ?
Dimars 30 d'abril : bòrd de scèna aprèp l'espectacle amb los artistas del GdRA
Dijòus 2 de mai a 18:30 : Conferéncia de Philippe Boula de Mareuil, lingüista, director de cèrca al CNRS dins lo quadre de las Conferéncias del Dijòus organizadas pel Servici Patrimòni de la Vila d'Albertville : "Accents régionaux, mythes et réalités"
Divendres 3 de mai a 20:00 : Espectacle de L'Ève à l'eau.
Le Dôme Théâtre - 135 Place de l'Europe 73200 Albertville
Tèl. Billetterie 04 79 10 44 80
Site : https://www.dometheatre.com
Contactez nous a propos de cette page