<div style="text-align: justify;">
<div>Los primièrs rencontres de Salinèlas : literatura e creacion d'Òc actuala se tendràn los 15 e 16 de junh dins lo pichon vilatge de Salinèlas, a qualques quilomètres de Someire (Gard). Aculhit per la comuna dins l'iranjariá e lo pargue del castèl, aquel eveniment que s'inscriurà dins la durada, serà un moment d'escambis e de descobèrta a l'entorn de la literatura en lenga d'Òc, dins una perspectiva dobèrta e viva, que farà lo ligam entre los grands tèxtes de la tradicion literària d'Òc e la creacion contemporanèa la mai recenta, ne proposant un agach qu'englòba l'espaci de lenga d'òc dins sa diversitat. </div>
<div></div>
<div>Aquesta annada, es la poesia que serà al centre de la programacion tot en daissant la plaça a d'autras formas d'expression (contes pels enfants, cançon, fòto...), per crear un espaci de rencontre e de convivialitat. </div>
<div></div>
<div>Al programa, lecturas mesas en votz e en musica per far ressondir la paraula d'òc al delà del libre, conferéncias per faire descobrir los grands tèxtes, debats, exposicion fotografica, salon dels editors, espaci enfants, concors d'escritura pels enfants e joves. </div>
<div></div>
<div>Lo projècte, sostengut per la Region Occitània e lo CIRDOC, a çaquelà de besonh d'afortir son finançament, lançam doncas un apèl a totes los que volriam participar per lor sosten a l'emergéncia d'aquel eveniment ! </div>
</div>
<div style="text-align: justify;"><br />
<h4>PROGRAMA</h4>
<div>
<div><b>14H00 – Dobertura de la manifestacion e dels estands editors </b></div>
<div><b> </b></div>
<div><b>14H30 – 16H00 – Sèsta musicala e cafè poetic :</b> Lecturas de Calendau e de Memòri e raconte de Frederic Mistral, Lectura de Sus lei piadas de l'Absenta de Matthieu Poitavin (musica A.Nicolas e G.Moreau). Lectura mesa en votz e en musica de poètas de la jove generacion dels poètas d'Òc. </div>
<div><b> </b></div>
<div><b>16H00 – 17H00 – Contes pels pichons e los grans </b>per Lise Gros, Danielle Julien e Caterina Ramonda. <br /><br /></div>
<div><b>17H15 – 17H45 – Performancia poetica : </b>mesa en votz del tèxte En quête d'un visage per Aurélia Lassaque. <br /><br /></div>
<div><b>17H30 – 18H30 – Actualitat de l’edicion de lenga d'Òc pels editors. <br /><br /></b></div>
<div><b>18H45 – 19H30 – Conferéncia « Musica e Poesia d’Òc actuala » </b>per Silvan Chabaud e Rodìn Kaufmann.</div>
<div><b> </b></div>
<div><b>20 H : Concèrt gratuit del grope Mauresca Fracas Dub</b></div>
<div><b> </b></div>
<div><b>21H30 – 22H30 – Los estands editors</b> demòran dobèrts al public fins a 22h30. </div>
</div>
<div>
<div>
<h5>Participants (jos resèrva de modificacions ulterioras)</h5>
</div>
<div><strong>Autors e lectors convidats</strong></div>
<div>Laurent Alibert, Jean-Frédéric Brun, Jean-Yves Casanova, Estelle Ceccarini, Silvan Chabaud, Cécile Chapduelh, Jean-Paul Creissac, Jean-Claude Forêt, Lise Gros, Danielle Julien, Rodin Kaufmann, Céline Magrini, Bruno Paternot, Matthieu Poitavin, Caterina Ramonda, Frédéric-Jacques Temple, Marie-Jeanne Verny.</div>
<div><br /><strong>Editors, Librariás e Revistas </strong></div>
<div>À l’azard Bautezar !, Ciel d’Oc, Credd’O, Édite-moi, Jorn, I.E.O., L’Aucèu libre, Prouvènço d’Aro, P.U.L.M., Troba Vox, La Petite Librairie, Espaci Occitan deis Aups, etc… Revues et journaux : Aquò d’Aquí, OC, Lo Diari, Prouvènço d’Aro, Le Felibrige… </div>
</div>
<div></div>
<div>
<h5>La dimenjada tota :</h5>
</div>
<div> - Salon del libre d'Òc </div>
<div>- Exposicion Fotografias d’Òc : « Sus lei piadas de l’Absenta » : fotografias de Stéphane Barbier </div>
<div>- La bibliotèca efemèra del CIRDOC</div>
<div></div>
<br />
<h4>INFORMACIONS PRACTICAS </h4>
Los 15 e 16 de junh de 2019 a Salinelas (30)<br />Contacte : <a href="mailto:lauceulibre@gmail.com">lauceulibre@gmail.com</a><br /><br /></div>
