X

16

Junh

Lenga : Bilingue Occitan-Français

« Los Rencontres de Salinèlas, literaturas e creacion d'Òc actuala »

Del : 16 junh 2019 10:00

Al : 16 junh 2019 15:00

Luòc : Salinelles

Activitats : Conferéncia, Taula redonda

Airal lingüistic : Provence

i

Los primièrs rencontres de Salinèlas : literatura e creacion d'Òc actuala se tendràn los 15 e 16 de junh dins lo pichon vilatge de Salinèlas, a qualques quilomètres de Someire (Gard). Aculhit per la comuna dins l'iranjariá e lo pargue del castèl, aquel eveniment que s'inscriurà dins la durada, serà un moment d'escambis e de descobèrta a l'entorn de la literatura en lenga d'Òc, dins una perspectiva dobèrta e viva, que farà lo ligam entre los grands tèxtes de la tradicion literària d'Òc e la creacion contemporanèa la mai recenta, ne proposant un agach qu'englòba l'espaci de lenga d'òc dins sa diversitat. 
Aquesta annada, es la poesia que serà al centre de la programacion tot en daissant la plaça a d'autras formas d'expression (contes pels enfants, cançon, fòto...), per crear un espaci de rencontre e de convivialitat. 
Al programa, lecturas mesas en votz e en musica per far ressondir la paraula d'òc al delà del libre, conferéncias per faire descobrir los grands tèxtes, debats, exposicion fotografica, salon dels editors, espaci enfants, concors d'escritura pels enfants e joves. 
Lo projècte, sostengut per la Region Occitània e lo CIRDOC, a çaquelà de besonh d'afortir son finançament, lançam doncas un apèl a totes los que volriam participar per lor sosten a l'emergéncia d'aquel eveniment ! 

PROGRAMA

10H00 – 11H00 – Debat : La creacion d'Òc uèi animat per Benjamin Assié.

11H15 – 12H00 – Conferéncia-lectura : M-F Delavouët, una preséncia poetica majora del sègle XX per Jean-Yves Casanova, lecturas de Céline Magrini.

12H00 – 13H00 – Omenatge a un grand poèta viu : lectura per e de Frédéric-Jacques Temple per Jean-Frédéric Brun, Jean-Paul Creissac e Jean-Claude Forêt.

13H –13h15 Remesa dels prèmis del concors d'escritura a destinacion dels escolars. 

13H15- clausadura festiva : aperitiu, brasucadas e scèna dobèrta. 
Participants (jos resèrva de modificacions ulterioras)
Autors e lectors convidats
Laurent Alibert, Jean-Frédéric Brun, Jean-Yves Casanova, Estelle Ceccarini, Silvan Chabaud, Cécile Chapduelh, Jean-Paul Creissac, Jean-Claude Forêt, Lise Gros, Danielle Julien, Rodin Kaufmann, Céline Magrini, Bruno Paternot, Matthieu Poitavin, Caterina Ramonda, Frédéric-Jacques Temple, Marie-Jeanne Verny.

Editors, Librariás e Revistas 
À l’azard Bautezar !, Ciel d’Oc, Credd’O, Édite-moi, Jorn, I.E.O., L’Aucèu libre, Prouvènço d’Aro, P.U.L.M., Troba Vox, La Petite Librairie, Espaci Occitan deis Aups, etc… Revues et journaux : Aquò d’Aquí, OC, Lo Diari, Prouvènço d’Aro, Le Felibrige… 
La dimenjada tota :
 - Salon del libre d'Òc 
- Exposicion Fotografias d’Òc :  « Sus lei piadas de l’Absenta » : fotografias de Stéphane Barbier 
- La bibliotèca efemèra del CIRDOC

INFORMACIONS PRACTICAS 

Los 15 e 16 de junh de 2019 a Salinelas (30)
Contacte : lauceulibre@gmail.com

Daissatz un comentari

<