X

18

Jul

Lenga : Bilingue Occitan-Français

Estivada 2019 – Del 18 al 20 de julhet a Rodés

Del : 18 julhet 2019 14:00

Al : 20 julhet 2019 23:00

Luòc : Place des Ruthènes, 12000 Rodez

Activitats : Conferéncia, Espectacle

Airal lingüistic : Lengadòc

i

Del 18 de julhet al 20 de julhet de 2019, retrobatz lo CIRDÒC a l'Estivada de Rodés.

Lo CIRDÒC es partenari de l'Estivada de Rodés, que celebrarà ongan los ligams entre Occitània e Bretanha. Retrobatz lo CIRDÒC pendent tota la durada del festenal dins lo quadre de la programacion culturala e literària

Espectacles : Descobrissètz las darrièras creacions a l'entorn del patrimòni artistic e literrari occitan. Auditorium dels Archius Departamentals.

Dijòus 18/07 - 16 h-17 h 30 / Archius departamentals :

Ara / Rodín Kaufmann (poesia dicha, bóstia a ritme - sampler), Iris Kaufmann (objèctes sonors, arquièrs, magnetofòns a banda), Klara Gaï (improvisacion visuala, retro-projeccion, diapositivas) Produit per FeM collectiu, co-produit per Scènes Croisées de Lozère e lo CIRDOC-Institut occitan de cultura

ARA, es aquel temps partejat, dins l'intimitat. Es un espectacle de causas pichonas, son los mots diches tant qu'es encara possible. Sus de melodias loserianas, lo tèxte de Rodín Kaufmann, epopèa poetica, se vestís en temps real d'imatges espigats e fabricats per Klara Gaï. La votz simpla e despolhada del poèta i ditz l'amor, la distància oui voie lo languiment que surgisson al mitan dels sons estridents o organics del dispositiu d'Iris Kaufmann.

 

Divendres 19/07 - 16 h-17 h 30 / Archius departamentals :

Par tous les chemins… Recital poetic de Muriel Batbie
Aquel recital poetic pren per punt de despart l'obratge « Florilège poétique des Langues de France (alsacien, basque, breton, catalan, corse, occitan) », primièra granda antologia poetica consacrada a las lengas de França (Ed. Le Bord de l'Eau, direccion M-J.Verny e N.Paganelli, 2019). Muriel Batbie Castell i explora totas las possibilitats al fial d'un percors lusent, vertadièra proesa vocala e linguistica qu'alterna los cants a capella e las lecturas poetica en 6 lengas, l'ensemble, construit dins una trama de raconte de viatge.

Dissabte 20/07 - 16 h-17 h 30 / Archius departamentals : D’una paraula l’autra - Sylvie Beaujard et Thérèse Canet
Poèmas, memòrias, novèlas, contes, cronicas, bestiaris, en francés o en occitan… Marcela Delpastra arrestèt pas jamai d’escriure. Cada jorn, al temps ont l’escritura veniá, sortissiá son quasernet a espirala de sa pòcha. Alara lo trabalh de la tèrra, o lo vedèl, podián esperar… Cabussant dins sos milièrs de paginas de l'escritura ciselada, poetica, sensuala, D’una paraula l’autra percor aqueles camins. Una lectura per ausir la sensibilitat, la fòrça, la poesia de la paraula de Marcela Delpastre.

Aperitius literaris : Rencontres a l'entorn de l'actualitat de l'edicion occitana, espaci editor


Telecargar la brocadura de presentacion dels autors e editors dels Aperitius 2019. 

Venètz descobrir l’actualitat de l’edicion occitana. En mai dels dara endavent incontornables Aperitius literaris de fin de jornada, lo CIRDOC e los editors occitans vos propauson aquesta annada doas tantossadas de rencontres amb los autors, pendent d’unas sesilhas de dedicàcias. Programa detalhat disponible sus : fabrica.occitanica.eu e pendent lo festenal, sus l’espaci editor.

Divendres 19/07 - 18h00-19h00 - Espaci editors : Aperitiu literari : 
Intervenants :
Jan-Peire Reidi, Per ma fe, Novelum24, 2019.
Marie-Jeanne Verny, « Par tous les chemins. Florilège poétique des langues de France (Alsacien, Basque, Breton, Catalan, Corse, Occitan)», Éditions le Bord de l’eau, sous la direction de M.-J.Verny et N.Paganelli, 2018.
Francis Cournut, Lo camin rascanhut, Lo Grelh Roergàs; 2018.
Roger Pasturel, La Castanhada, IEO26, 2018.  

Dissabte 20/07 - 18h00-19h00 - Espaci editors : Aperitiu literari : 
Intervenants :
Terèsa Pambrun, Los òmis petits, Letras d'òc, 2019 
Magda Salzo, Ninà e las nívols, Edite-moi ! 2018 
Jòrdi Blanca  a l'entorn d' Auguste Fourès, Vent Terral, 2019
Florian Vernet, Cachavièlha psicomotritz, IEO Edicions, 2018.   


Exposicion « Marcela e Anjela » Dins l'entrada dels Archius departamentals Marcela e Anjela son doas poetessas del sègle XX, l’una occitana, l’autra bretona, que partejan lo meteis combat : escriure dins lors lengas mairalas. Marcela Delpastre, agricultritz en Lemosin, se passeja pas jamai sens son gredon negre e un quasèrn. Son primièr poèma en occitan La Lenga que tant me platz publicat en 1964. Es a la meteissa epòca que la bretona Anjela Duval publica dins la revista Ar Bed Keltick son primièr tèxte. L’exposicion vos convida a descobrir l’òbra e la vida d’aquelas doas figuras femeninas de la poesia contemporanèa en lengas regionalas. La programmacion complèta del festenal : aquí

Daissatz un comentari

<