fabrica

Agenda : Tota la creacion occitana
Licéncia Licence Ouverte
Hestiv'Òc 2019 - Culture, patrimoine et littérature à l'honneur avec le CIRDOC

Hestiv'Òc 2019 - Culture, patrimoine et littérature à l'honneur avec le CIRDOC

Secteur : Musique Théâtre Littérature
Aire culturelle : Gascogne
Occitan : Tot en òc
Date : 2019-08-22 18:00:00
2019-08-25 23:59:59
Créateur : Accents du Sud
Hestiv'Òc
Ajouter a mon calendrier +


Del 22 al 25 d'agost, lo còr d'Occitània batrà del costat de Pau a l'escasença del festenal interregional Hestiv'Òc. Ongan encara, lo CIRDOC serà present tota la durada de l'eveniment per vos propausar accions de mediacions e rendètz-vos culturals, convits a descobrir las diferentas facietas d'una cultura e d'una literaturas occitanas vivas.

 

Centre de primièrs secorses occitans – Del 22/08 al 25/08, estadi Tissié. " class="fabrica">Centre de primièrs secorses occitans – Del 22/08 al 25/08, estadi Tissié.

En 30 minutas crono, aquel percors d’activitats interactiu e ludic permet a caduna e cadun, pichons e grands, de passar un moment convivial en familha e de testar sas coneissenças, abans de descobrir son perfil (L’occitan curiós,  L’occitan que l'a dins l'aurelha, L’occitan que se coneis…). Enveja de perlongar l’experiéncia o de se mainatjar un temps de pausa ? Amb lors incontornables transats, los espacis jòcs e destenda del Centre aculhisson tota la familha segon lors envejas : « musicoterapia » amb las sèstas sonòras, bibliotèca efemèra, iniciacion als jòcs tradicionals, etc.  

« Los Imnes de l_Hestiv_Òc » : Conferéncia en cançons de Joan Jaume Castéret – Lo 23/08 a 11:00 – Pavillon des Arts " class="fabrica">« Los Imnes de l'Hestiv'Òc » : Conferéncia en cançons de Joan Jaume Castéret – Lo 23/08 a 11:00 – Pavillon des Arts

Per tot saber dels imnes d’Hestiv'Òc : Aqueras montanhas (Se canti), Bèth cèu de Pau, L’Immortèla, La Sobirana. D'ont venon aquelas cançons, per d'unas, an traversat los sègles ? Cossí son devengudas d'imnes de Bearn e de còps de l'ensemble occitan, uèi cantadas tan dins las cantèras que dins las manifestacions oficialas o los grands rencontres esportius : dels Jòcs Olimpics d'ivèrn de Turin a l'estadi del Hameau ? Amb l'ajuda de las preciosas edicions de recuèlhs bearnés de la debuta del sègle XIX conservadas al sen de las colleccions patrimonialas de la Mediatèca de Pau e del CIRDOC (site de Besièrs – 34), mas tanben de registraments sonòrs e audiovisuals que los mai ancians foguèron collectats al prèp de Peluts bearnés e gascons presonièrs en Alemanha en 1916, entre istòria e legenda, venètz descobrir la longa istòria de la cançon bearnesa. Una descobèrta qu'acabarà en cançon, Bearn e Hestiv'Òc obligan !

Où l_on ne parle plus de « musique » : exposicion. Del 22 al 25/08. Pavillon des Arts " class="fabrica">Où l'on ne parle plus de « musique » : exposicion. Del 22 al 25/08. Pavillon des Arts 

Una exposicion per una apròcha transversala e onirica de las musicas popularas dels paises d'Òc d'ièr e d'uèi. Entre documents d'archius e agaches transversals, s'agís de metre en relacion d'unas practicas e de la citacions per trabalhar los imaginaris de deman.

Aperitiu literari : actualitat de l_edicion d_aquí e d_uèi  – Lo 25/08 a 11:30 - platèu de Radiò País " class="fabrica">Aperitiu literari : actualitat de l'edicion d'aquí e d'uèi  – Lo 25/08 a 11:30 - platèu de Radiò País 

Lo CIRDOC convida los editors occitans (Per Noste, Cairn, Letras d'Òc...) a venir presentar pendent un temps convivial lor actualitat editoriala recenta. Una ora per descobrir los romans, novèlas... en preséncia de los que los produson e se l'escasença se presenta, de los que los redigisson. 



INFORMACIONS PRACTICAS 

DESCOBRIR L'ENSEMBLE DE LA PROGRAMACION 2019 : AQUÍ

Site del festenal :  https://www.hestivoc.com/ 
Contactes : Associacion Accents du Sud 
Tél : 05.59.90.34.94



Contactez nous a propos de cette page