X

28

set

Lenga : Bilingue Occitan-Français

Chapiteaux du livre 2019 - Los rdv del CIRDOC-Institut occitan de cultura

Del : 28 setembre 2019 10:00

Al : 29 setembre 2019 18:00

Tipe : Animacion joinesa

Airal lingüistic : Lengadòc

i

Partenari dels 12en Chapiteaux du livre, lo CIRDOC-Institut occitan de cultura vos aculhirà per descobrir la cultura e la literatura occitanas actualas a partir de dos temps dedicats.

Los 28 e 29 de setembre - Lo Centre de primièrs secorses occitans - Domaine de Bayssan

En 30 minutas crono, aquel percors d’activitats interactiu e ludic permet a caduna e cadun, pichons e grands, de passar un moment convivial en familha e de testar sas coneissenças, abans de descobrir son perfil (L’occitan curiós, L’occitan que l'a dins l'aurelha, L’occitan que se coneís…). Enveja de perlongar l’experiéncia o de se mainatjar un temps de pausa ? Amb lors incontornables transats, los espacis jòcs e destenda del Centre aculhisson tota la familha segon lors envejas : « musicoterapia » amb las sèstas sonòras, bibliotèca efemèra, iniciacion als jòcs tradicionals, etc.


Lo 29 de setembre a 14:30 -  Par tous les chemins : florilège poétique des langues de France (Alsacien, Basque, Breton, Catalan, Corse, Occitan) - Presentacion de l'obratge, a doas voses e en cançons, per Marie-Jeanne Verny, editritz scientifica de l'antologia e Muriel Batbie Castell, cantaira

A l'opausat de tot embarrament identitari, aquel obratge recampa l’expression poetica contemporanèa dins 5 lengas de França dichas « regionalas », acompanhada d’una revirada francesa. Aquel projècte es lo primièr en data. S'existís de publicacions qu'assòcian doas lengas regionalas (occitan e catalan, occitan e basc, occitan e còrs, per exemple), degun aviá pas fins aquí entreprés de recampar dins un meteis obratge la poesia contemporanèa en alsacian, basc, breton, catalan, còrs, occitan. Autora d'una adaptacion jos la forma d'un recital de l'obratge, Muriel Batbie Castell n'explòra per sa part totas las possibilitats, linguisticas, ritmicas e musicalas d'aqueles tèxtes. Liuraràn a doas voses lo raconte e d'extraches d'aquela òbra d'antologia.  

INFORMACIONS PRACTICAS 

Domaine de Bayssan - Route de Vendres, 34500 Béziers. 

Lo programa complet de l'edicion de 2019 dels Chapiteaux du livre : Aquí

Daissatz un comentari

<