X

18

set

Lenga : Bilingue Occitan-Français

Jornadas del Patrimòni

Del : 18 setembre 2019 18:30

Al : 22 setembre 2019 18:00

Luòc : CIRDÒC

Activitats : Cinèma, Conferéncia, Balèti, Teatre

i

Mòstra, conferéncias, projeccions, teatre... Per l'edicion 2019 de las Jornadas del Patrimòni, la mediatèca del CIRDÒC - Institut occitan de cultura met en lum l'istòria « a contra subèrna » del Lengadòc viticòla, en tornant sus un sègle de lucha e d'espèrs dels paises viticòlas.

Del 18/09 al 22/09 (10h-18h)

Mòstra
Pas Jamai Vist : les papiers retrouvés d'un mutin du 17e
La mutinariá del 17e regiment marquèt fòrça enlà de las revòltas viticòlas de 1907. La familha de Jòrdi Severac a mes recentament a la disposicion del CIRDÒC la correspondéncia qu'a entretengut pendant tot lo temps que demorèt a Gafsa en Tunisia, ont los mutins foguèron enviats.

18/09, a 18h30
Projeccion
Wine Calling, le vin se lève, de Bruno Sauvard (2018)
Dempuèi una desena d'annadas, lo monde del vin es en plen borbolh, butassat per una contra-cultura coma lo ròck o foguèt, un còp era, pel punk. En Occitània, de rebèls gaujoses se son installats dins nòstres terradors per inventar lo vin que mai lor agrada : natural e sens artifici. Mai qu'un vin biologic, es un vin d'emocion e de reaccion, un vin qu'es pas regit per cap de làbel, un vin liure. Wine Calling se'n va al rencontre d'aquestes vinhairons novèls que tornan inventar nòstre rapòrt al vivent. Aqueles òmes e aquelas femnas prefiguran una agricultura païsana en movement. Solidària, etica, una novèla utopia emergis de nòstras costièras !
Projeccion en preséncia del realizator, seguida d'una degustacion de vins naturals amb la Cave des Artistes.


19/09, a 18h30
Conferéncia / Dança
Danser les Treilles : une histoire politique du Languedoc de l'Ancien Régime à nos jours, par Serge Boyer
Seguida d'una demonstracion de la Farandole Biterroise
Sergi Boyer, guida-conferencièr e doctor ès estudis occitanas, ven presentar sa tèsi de doctorat sus la dança emblematica del Besierenc e de l'Erau viticòla. 

Del 21 al 22/09 (10h-18h)
Portas dubertas

A l'ocasion de las Jornadas del Patrimòni, los bibliotecaris del CIRDÒC vos aculhisson per vos far descubrir los tresaurs de las colleccions patrimonialas de la Mediatèca occitana.
Amb mai de 150 000 òbras e documents del Edat Mejana cap a uèi, lo CIRDÒC documenta quasi 1000 ans d'istòria e de cultura de l'Occitània.

21/09, a 15h30
Jòc video
Toulouse & Le Petit Méridional
Una aventura que vos immergís dins l'univèrs de la premsa de 1909. En 2019, lo jornal Le Petit Méridional es victima del Oblit. Cada element, cada linha, cada letra requerís la vòstra atencion.  Per fin de salvar lo jornal del Oblit que lo roganha, vos calrà resòlvre nombrósas enigmas.

De descubrir sus la mezzanina de la Mediatèca amb la mòstra L'occitan a la Una ! une histoire de la presse occitane du XIXe siècle à nos jours.

21/09, a 17h
Teatre
Mais où est passée ma vigne ? per la Companhiá Gargamèla
Elena, 30 ans, desbarca e annoncia a son paire que vòl reinvestir la proprietat familiala uèi en bosiga. El que partís en cò del notari per metre en venda las tèrras per mièlhs viure amb la maire qu'a la testa al revèrs dempuèi la mòrt de son òme Enric, vinhairon ! «Vendras pas las tèrras de la familha per de terren a bastir e arrondir ta retirada, Papà ! » Una longa disputa comença : el vòl pas tornar endarrièr, ela vòl far de vin biologic... Un eveniment dramatic lo farà cambiar de ròta.

22/09, a 16h
Projeccion e conferéncia
1907, la révolte des vignerons (real. Michel Gayraud, 2007)
Lo realizator Michel Gayraud torna sus los eveniments de 1907, movement partit dels 87 vinhairons d'Argelièrs per abotir, qualques setmanas mai tard, a una manifestacion de 600 000 personas a Montpelhièr, e la mutinariá de 17e regiment d'Infantariá.
Projeccion seguida d'una rencontre amb lo realizator Michel Gayraud e Jean Sagnes, istorian especialista del movement.
Lo film obtenguèt la « mencion especiala del film istoric » del festenal Oenovideo.

E fòra lo CIRDÒC...
22/09, a 15h
Los camins del Sud, una teoria del menor
Al Musèu Regional d'Art Contemporari (MRAC) de Serinhan

Visita en occitan de la mòstra amb Mirelha Fornengo


 
Contactes :
CIRDÒC - Institut occitan de cultura : info@oc-cultura.eu // 04 67 11 85 10
Associacion Tu Tanben : tutanbenoc@gmail.com 

MRAC de Sérignan : museedartcontemporain@laregion.fr // 04 67 17 88 85

Daissatz un comentari

<