X

15

Gen

Lenga : Bilingue Occitan-Français

Lo hestau Trad'hivernales que torna entà la soa navèra edicion deu 15 au 19 de genèr 2020. La dança, los concèrts e los escambis au torn de la lenga e de la cultura occitana qu'animaràn la vila de Someire (30) cinc dias de seguida.

Au torn de la dança, navèras expressions artisticas que vienen horní’s a la hèsta : lo conte (Florent Mercadier, dimèrcs 15 de genèr, Mediatèca) e los talhèrs de canta, de danças e de musica. Per çò qui ei de la musica, cinc artistas deu collectiu lo Dahu que perpausaràn un set de musica de dançar en formacion fanfara lo divés 17 e lo dissabte 18, lo grop Bresièr que jogarà lo divés un repertòri de musica tradicionau d'Auvèrnha, de Lemosin e de Brionés-Charolés.

Qu’organizan ua taula redona lo divés 17 de dètz òras dinc a quate òras suus « drets culturaus : agescam e progressem amassa ! » dens los territòris e la creacion artistica. La discussion que serà seguida de creacions presentadas peus artistas.

Deu 13 au 18 de genèr, la bibliotèca nomada deu CIRDÒC-Institut occitan de cultura que vs’invita a descobrir la cultura e la lenga occitana. Alongats sus transats prevists entad aquò, que poderatz escotar cantas seleccionadas dens lo repertòri musicau occitan per quauques minutas d'aledada.

>> Véder lo programa detalhat suu site de l’organizator

Daissatz un comentari

<