X

03

Oct

Lenga : Bilingue Occitan-Français

Chapiteaux du livre 2020 - Los rdv del CIRDOC - Institut occitan de cultura

Del : 03 octòbre 2020 10:00

Al : 04 octòbre 2020 18:00

Tipe : Animacion joinesa

Airal lingüistic : Lengadòc

i

Partenari dels 13en Chapiteaux du livre, lo CIRDOC - Institut occitan de cultura vos aculhirà per descobrir la cultura e la literatura occitanas actualas a partir de dos temps dedicats.

Los 3 e 4 d'octobre - La Bibliotèca efemèra - Domaine de Bayssan

Venètz vos deslassar dins los d'ara enlà incontornables transats de la Bibliotèca efemèra de la Mediatèca occitana (CIRDÒC, Besièrs). Tota la familha poirà pescar dins los obratges propausats sus l'estand per descobrir l'occitan, sa lenga, sa cultura e plan segur, sa literatura. 
E per deslassar tanben las vòstras aurelhas, ensajatz doncas la « musicoterapia » occitana mercés a las nòstras sèstas sonòras. 

Lo dissabte 3 de setembre a 14:30 -  Rencontre a l'entorn de l'adaptacion occitana de l'òbra de Michèle Teysseyre : « Moi, Jean Pigasse, ouvrier du Canal » (Ed. du Cabardès, 2017), en preséncia de l'autor e las doas voses de Joan Pigassa en occitan : Alan Roch e Matèu Vies. 

« Se disiá Joan. Coma son paire, son mestièr seriá boscatièr. Mas una aventura extraordinària anava capvirar lo país : lo cavament del Canal Reial de Lengadòc, rebatejat mai tard Canal del Miègjorn ».
En 2017, Michèle Teysseyre publicava « Moi, Jean Pigasse, ouvrier du Canal » (Éd. du Cabardès). OI descobrissiam l'envèrs de l'obrador e l'indispensabla contribucion dels terrejaires, boscatièrs e autras manòbras. Una aventura umana e tecnica contada per Joan Pigassa, boscatièr de la Montanha Negra. 
Dempuèi, e amb los sosten del CIRDOC – Institut occitan de cultura, l'obratge a fait l'objècte d'una dobla adaptacion. Sa traduccion en occitan, fisada a Alan Roch, fa l'objècte d'una parucion en cò d'IEO Edicions. Es tanben un fulheton radiofonic, realizat per Laurent Labadie, que nos pòrta a l'epòca de Pierre-Paul Riquet, menats per la votz de Matèu Vies.
Los actors del projèctes ne vos desvelaràn las colissas e vos propausaràn una lectura a tres voses d'aquela epica aventura. 

INFORMACIONS PRACTICAS 

Domaine de Bayssan - Route de Vendres, 34500 Béziers. 

Lo programa complèt de l'edicion de 2020 dels Chapiteaux du livre : de venir.

Daissatz un comentari

<