X

22

Jul

[Estivada] Concert cabaret d'Aqueles a Rodés

Publicat lo 16 junh
Dins aquel article, se parla de : #Aqueles, #Aimat Brees, #Compagnie du Griffe
Es qu’es perque cadun aviá ja fach un percors musical plan complit e respectable qu’Aqueles causiguèron de tornar formar un triò vocal creat sus de bancs de facultat e demorat confidencial o gaireben fins ara ? En tot cas, faguèron pas las causas a mitat, sorgissent sus l’empont, al comptador o dins d’endrechs plan mai improbables, vestits coma cal de canotièrs, de noses damisèlas e de bretèlas. Una perpausicion originala, ferotjament regaudissenta, ont lo charme vielhanchonet del repertòri e del costume confinha a l’intemporal. Una cabussada (en malhòt raiat evidentament) dins de cançons occitans de circonstància vengudas dels cabarets de la Bèla-Epòca (annadas 20-30), crotzadas d’opereta marselhesa, de swing, d’onomatopèias e de bruchs variats e improbables. Quora los Frères Jacques recontran lo Còr de la Plana e Vincent Scotto, lo kitsch contèsta l’umor ! Istòrias del vin, de cocuts, de politica, gentament irreverenciosas, agradivas d’escotar amb la distància del temps, e ont gostarem, per tocadas, los apondons modèrnes, pertinents e risolièrs dels nòstres “Trois Barbus”. De vertadièr cabaret al Cabaret, de memòria d’Estivada aquò s’èra pas jamai vist, una rason de mai de n’aprofiechar !

Daissatz un comentari

<