X

24

Gen

Mòstra « Cathares, un patrimoine écrit » a la Ciutat de Carcassona

Publicat lo 28 genièr per Sandra Juan CIRDÒC propausat per Château et remparts de la cité de Carcassonne

La mòstra

Alara que los catars en Lengadòc arrèstan pas d'alimentar las controvèrsias, lo castèl comtal de la Ciutat de Carcassona propausa un retorn a las sorsas de l'Edat Mejana amb la mòstra « Cathares, un patrimoine écrit » visibla fins al 17 de febrièr. 
L'exposicion que confronta las sorsas de l'Inquisicion als tresaurs salvagardats dels libres de fe dels « bons òmes», aqueles dissidents religioses que coneissèm uèi jos l'apelacion de catars, desvela al public un patrimòni largament mesconegut e nos propausa una immersion al còr de l'istòria del Lengadòc. 

Per l'escasença, quatre manuscrits medievals bèls (en latin e en occitan), eissits de las colleccions de  divèrsas bibliotècas europèas, son presentats al public jos lor forma numerica. Son lo testimòni inestimable de l'ample patrimòni escrit transmés pels Catars e un accès dirècte a la religion dissidenta que n'esclaira las practicas. 


Visita guidada de l’exposicion lo 08/02 


L’IEO-Aude e los Compagnons / Companhs de Paratge, vos propausan lo 08/02 a 14:00 una visita comentada de l'exposicion per  Jean-Louis Gasc (guida conferencièr e conceptor de l'exposicion en companhiá d'Anne Brenon), al castèl comtal de la Ciutat de Carcassona. 
Rendètz-vos lo 08/02 a 14:00. 
Inscripcion obligatòria : 04 68 25 19 78 o ieo11@ieo-oc.org
Tarifa : 10€ / persona. 


INFORMACIONS PRACTICAS 

Tarifa : dreit d'entrada al castèl
Oraris d’accès : 9h30-17h (Darrièr bilhet desliurat 30 minutas abans la barradura)
Entresenhas : 
Reservacions (en defòra de la visita guidada) : 

Daissatz un comentari

<