X

04

Abr

Olé ! parla occitan : Rodin Kaufmann, les rêves de Rodin.

Publicat lo 04 abril per CIRDOC propausat per CIRDOC
« Siáu poèta. Un poèta pluri-disciplinari, qu'escriu de poesia, la canta, la ditz, la dessenha, l'organiza vò la pinta. »
Es aital, a comptar d’aquela presa de consciéncia, que comença lo viatge artistic del musician Rodin Kaufmann. Un viatge estirat al fial d’imatges, exumats, que resurgan pauc a pauc de sa memòria. D’imatges de païsatges desertics, la mar o lo solelh. Enfin, a travèrs elas : de culturas, entremescladas, intensament mediterranèas, coma autant de facietas per son identitat, multipla, en construccion permanenta.
Car, se lo sovenir es una pèira motritz dins la desmarcha de Rodin, se bastís a cada moment dins l'endevenir. N'atèsta son actualitat, transversala, entre un apèl de soscripcion per son primièr album sòlo, la preparacion d’una forma scenica per l’estiu, son trabalh d’artista/plastician e sa contribucion al mond poetic occitan.
Tornam prene dempuèi lo despart : se coneissèm Rodin, es primièr coma membre del grop polifonic marselhés Lo Còr de la Plana. Es amb Lo Còr que chaupirà, pendent vint ans, las grandas scènas del mond entièr. Es amb Lo Còr que explorarà çò primièr los païsatges dessenhats per lo cant. Serà lo començament, mas pas l’unic determinant : lo tornam trobar uèi en tant qu’artista complit, per partejar son agach sus lo mond.
A la tèsta d’un labèl « independent de musicas occitanas d’ara », Pantais Recòrds, e de mai d’una formacion musicala. Que siá amb Uèi (quand lo trap rescontre lo trad.) o Sorn (« cants negres de Nauta Provença »), aqueles projèctes li permeton d’oscillar naturalament entre esteticas ultrà contemporanèas (lo post-rap 2.0) e de referéncias luènhas (los trobadors), entre particularismes e cultura pop, reconciliant d'univèrses que, als uèlhs de binarismes parasitaris, apareisson sovent antinomicas.
Uèi, dempuèi Montpelhièr, prepausa doncas de concretiza la parucion de son primièr disc en sòlo, Pantais Clus, començat en 2014 amb d'invitats nombroses d'orizonts divèrs. Coma per perlongar lo pantais, lo sòmi, e li donar còrs.

La còla del CIRDÒC

www.pantaisclus.rodiin.com

www.ole-mag.com

Daissatz un comentari

<