X

10

set

Olé ! parla occitan : lo patrimòni, qu'es aquò ?

Publicat lo 10 setembre per CIRDOC propausat per CIRDOC
Une chronique mensuelle pour (re)découvrir la création occitane sous toutes ses formes. Portraits d’artistes, de penseurs ou d’artisans, annonce d’une actualité, présentation d’un courant, d’une pratique ou d’une tendance, le CIRDÒC vous présente sa chronique pour faire rayonner, aujourd’hui et demain, la culture en occitan.

Coma cada annada dempuèi 1991, las Jornadas europèas del patrimòni propausan al public de visitar de luòcs e d’edificis obèrts de faiçon excepcionala, a la fin de setembre.
Serà doncas l’escasença ideala per partir a la descobèrta (al CIRDOC per exemple) de tresaurs vertadièrs, preservats fins ara, e d’afinar sas coneissenças. Mas serà tanben l’escasença d’interrogar aquesta nocion, estranha finalament, qu’es lo “patrimòni”. Una nocion tròp sovent clavada, en França, dins una definicion un pauc tròp estrecha. Contràriament a d’idèas recebudas, lo patrimòni se limita pas a la pèira, als monuments, als edificis, a las catedralas e als castèls.
Non, lo patrimòni se pòt pas destriar del present, del vivent, de tot çò que muda : de tot çò que carreja lo quotidian. Aital, dins una mira de preservacion e de transmission, l’UNESCO a adoptat en 2003 una novèla categoria de patrimòni : lo famós Patrimòni cultural immaterial (PCI per los intimes), que recampa l’ensem de las practicas culturalas e socialas non materialas.
Crosament millenari d'idèas e de civilizacions, Occitània es particularament rica de sas culturas viventas tradicionalas constitutivas de fèstas e de rites collectius, de sos saber-faire agricòlas e artesanals, de son patrimòni gastronomic e agroalimentari, de sos jòcs e espòrts tradicionals, de son legendari popular...
Mens mediatizadas que los “grands monuments”, aquelas manifestacions de culturas collectivas son, per sos abitants coma per los publics d’en defòra, en França o endacòm mai, los emblèmas e lo gèni collectiu d’Occitània. Profecham, doncas, d’aquelas famosas Jornadas per metre en davant l'extraordinària riquesa de nòstras culturas viventas, dins tota lor originalitat. Per uèi e, subretot, per deman.

Daissatz un comentari

<