fabrica

Creacion : Tota la creacion occitana
Licéncia Licence Ouverte
Histoire de l'Occitanie - Philippe Martel

Histoire de l'Occitanie - Philippe Martel

Secteur : Littérature
Date : 2019-09-30
Créateur : CIRDOC


Une chronique mensuelle pour (re)découvrir la création occitane sous toutes ses formes. Portraits d'artistes, de penseurs ou d'artisans, annonce d'une actualité, présentation d'un courant, d'une pratique ou d'une tendance, le CIRDÒC vous présente sa chronique pour faire rayonner, aujourd'hui et demain, la culture en occitan.

Escriure una istòria d’Occitània, non pas la region administrativa, mas Occitània granda, que cor de Niça fins a Bordèu en passant per Espanha e Itàlia, es pas un afaròt. “Es relativament aisit d’identificar una Bretanha o una Alsàcia e de n'escriure l’istòria : tot lo monde en França sap en gròs ont se tròba. Mas Occitània ?” interròga l’istorian Philippe Martel dins sa tota recenta Histoire de l’Occitanie publicada en çò de Yoran. Mas lo trabalh es d’aitant mai dificil qu’en França, coneissèm sustot los racontes istorics bastits al grat de nacions o d’Estats. Mai rares son aqueles que se desvelan per un ligam cultural e una lenga refusada de las cartas nacionalas…
Perque l’espaci occitan se concep uèi d’en primièr per l’usatge d’una lenga vernaculara, l’occitan, dont la naissença remonta al sègle V. “Aquel país del qual anem contar l’istòria es pas aqueste Miègjorn o aqueste Sud. Sa definicion es pas topografica, mas lingüistica.”
Mas, çò que cèrca aicí l’istorian especialista de l’espaci occitan, que rend son entrepresa tota precisament salutària e novatritz, es ben d’evitar de “fabricar un discors sus l’istòria occitana
calcat sus lo modèl d’istòrias nacionalas ordinàrias, amb sos eròis e sos martirs, sos luòcs de memòria, son temperament nacional immudable de sègle en sègle, sos enemics ereditaris, sas grandas datas, sos grands moments e sos moments de dolor. “
Dins una fòrma tant clara coma precisa, Philippe Martel remonta lo temps, del Neolitic fins ara, mai per noirir nòstras reflexions sul devenir d’una cultura que d’en sagelar lo destin. Mai per questionar çò que pòt èsser Occitània que per l’esplingar fredament sus una frisa cronologica.
Escriure aquela Histoire de l’Occitanie, per Philippe Martel (en francés dins lo tèxte), es en primièr una istòria d’exigéncia scientifica de las vigilantas, mas pas denudada d’una bèla passion. L’una e l’autra vengudas indissociablas, un còp de mai.

La cèola del CIRDOC.

La cronica sus lo site de Olé ! Mag : aquí !


Contactez nous a propos de cette page