X

28

Mai

La Companhiá Lilo e Conta'm vos propausan una novèla formacion al doblatge en occitan - Mai de 2020

Publicat lo 21 genièr per Sandra Juan, CIRDOC - Institut occitan de cultura
Dins aquel article, se parla de : #Laurent Labadie, #Compagnie Lilo, #Conta'm
Se formar a la tecnica del doblatge e al jòc d'actor

A destinacion dels locutors occitans en simpatia amb l'univèrs artistic, aquel estagi propausa de trabalhar jos la direccion de Laurenç Labadiá, Sofia Gillet e Ludovic Gillet de Conta'm, associacion especializada dins lo doblatge de filmes.

OBJECTIUS/PRÈ-REQUIS

4 JORNS
28, 29 DE MAI 30,31 DE MAI
2 jorns en Dordonha (24)
2 jorns a Pontacq (64)

OBJECTIuS

Conéisser l'environament tecnic del doblatge :  
- Posicionar sa votz, explorar los registres vocals, 
- Mestrejar lo jòc de l'actor fàcia al micrò, 
- Aquerir una aisidença dins la tecnica del doblatge. 

PRÈ-REQUIST

- Personas que parlan e legisson l'occitan correntament
- Practica artistica o aptitud al jòc teatral


CONTENGUT DETALHAT


DORDONHA ( 2 jorns ) 

Preparacion al doblatge

MATIN
9H /10H : Escalfament fisic e vocal. 
10H/12H30 : Descobrir sa votz, sas capacitats, e la manièra de l'utilizar amb pertinéncia. 
Trabalh d'actor sus los registres d'interpretacion pel dessenh animat. 
Trabalhar sus los sentiments, la justesa e l'engatjament al servici d'un personatge existent. 
PAUSA DINAR : Repais en comun

TANTOSSADA :
13H30/15H30
Perfeccionament a l'occitan 
Trabalh de lectura rigorosa en occitan, justessa dialectala, prononciacion, articulacion, ritme. 

15H30/18H
Retorn en platèu per extraits de filmes de restituir de manièra fisèla a l'original. 
Analisar son personatge e son environament en fin d'adaptar la votz e las emocions a la situacion. 
18H : Bilanç de la jornada

DÎNER : Repais en comun


PONTACQ ( 2 jorns) : doblatge en estudiò d'enregistrament.  

MATIN

9H /12H30 Per l'associacion Conta'm 
Presentacion de la cadena de doblatge audiovisual 
aprentissatge de las tecnicas e còdes ligats a la banda ritmografica
Plaçament de la votz, del micrò, lo ritme, la respiracion.

PAUSA DINAR 
Repais en comun

TANTOSSADA
13H30/18H
Entrainaments
Los  ambients sonòrs
Entrainament a la lectura sincròna  
Direccion d'actor 
Doblatge d'extraits de dessenhs animats e filmes en occitan 
18H : Bilanç de la jornada.
 
SOPAR :  Repais en comun


INFORMACIONS PRACTICAS 

Aquela formacion pòt èsser presa en carga dins lo cadre de la formacion contunha (CPF -ex.DIF, plan de formacion o plan de professionalizacion).
Los nòstres partenaris, los Centres de Formacion Professionala Occitans (CFPO) Aquitània e Region Occitània, vos conselhan e vos acompanhan dins vòstras demarchas al prèp dels organismes collectors (OPCA) o del Pòle Emplec. 
COMPANHIÁ LILO 
Site internet : compagnie-lilo.fr
Corièl : compagnie.lilo@gmail.com
Telefòns; 
- 05.53.03.52.17 (mardi - jeudi - vendredi)
- 06.38.80.03.56
Adreça postala
Le château deuxième étage
Place du général de Gaulle
24350 Mensignac

Daissatz un comentari

<