X

27

Mar

OCFUTURA : Los Occitans dens la Grana Guèrra

Publicat lo 27 març per OCPROD
Ocfutura qu’ei un projècte de global mèdia iniciat per Octele en 2017. Tot trimèstre, ueit estructuras e mèdias qu’amassan lo lor tribalh e los lors saber-har entà auherir lo dossièr tematic mei complet aus internautas. Ocfutura que tractè dens los sons dossièrs anteriors de las hemnas occitanas, de l’agricultura, l’aeronautica, de torisme, l’ensenhament, deus espòrts occitans e de la Grana Guèrra.

La darrèra tematica causida qu’ei « Los Occitans dins la Granda Guèrra ». Entà illustrar lo subjècte istoric, articles escriuts per OCPROD, Lo Congrès permanent de la lenga occitana e Lo Jornalet, gaseta occitana d’informacions. Ràdio Lenga d’Òc que hica a l’escota l’entervista de Joan-Loís Blenet, president de la Confederacion Calandreta sus l’occitan pendent la guèrra. Un sarròt de videos au torn deu tèma que son vedereras, com l’entervista de Jean-Jacques Casteret, director de l'Etnopòle deu CIRDÒC-Institut occitan de cultura, etnomusicològue, que podó consultar un fons sonòr conservat a l'Universitat Humboldt de Berlin, en Alemanha. Que presenta ací testimoniatges de Peluts occitans qu’avó l’escadença d’escotar. Costat video tostemps, OCPROD que hica a disposicion un episòdi de l’emission d’Octele « Libres » dab Felip Martel. L’ancian professor a l’Universitat Paul Valéry de Montpelhièr que causí de parlat deu libe « L’occitan en guerre » de Louis Bonfils. Lo CIRDÒC-Institut occitan de cultura e lo portau Occitanica qu’an hèit ua seleccion tematica de libes dens la lor bibliotèca, permetent de descobrir un tròç - manuscrit- de « Lou matricule 1628 penden la guerre » deu jornalista Édouard Moulia e ua presentacion de la benda d’imatges « Verdunissa : Un Nissart qui part à la guerre » per Pascal Colleta e Michaël Crosa.

Anatz suu site : http://ocfutura.info/

Daissatz un comentari

<