fabrica

Basa : Tota la creacion occitana
Licéncia Licence Ouverte
Séverine Sarrias

Séverine Sarrias

Domaine d'activité : Conteur Chanteur
Genre : Conte Chanson Trad/Populaire
Secteur : Conte Musique
Aire culturelle : Languedoc Auvergne
Occitan : Un peu
Support : Spectacle vivant
Date : 2022
Créateur : Compagnie Les Fées du Az'Art
Fait partie de : Compagnie Les Fées du Az'Art


BIOGRAFIA

Séverine Sarrias conta d'istòrias dempuèi una quinzenat d'annadas. Es Altigeriana, nascuda dins una familha originariá de la Marjarida, platèu en altitud del Massís Central ont sevissiá al sègle XVIII, la Bèstia dau Gevaudan. Es a travèrs aquela legenda e d'autras istòrias contadas per sa grand e per sa maire que, Séverine, ja pichoneta, es estada emprenhada per la literatura orala. 
Après qualques annadas professionalas passadas suls camins de l'educacion a l'environament, sos passes l'an ramenada vèrs lo conte. Es amb una granda curiositat e un plaser immense, qu'a tornat descobèrt las istòrias qu'an breçat son enfança. Mas aqueste còp amb l'enveja de los partejar amb los autres. Aital Séverine s'es formada al conte alprès de Kamel Guennoun, Michel Hindenoch, Françoise Diep e Marc Aubaret du CMLO (Centre Méditerranéen de Littérature Orale).
La collècte de racontes de vida

En 2009, entamena una collècta de racontes de vida alprèp dels civils qu'an patit las ànsias de la Segonda Guèrra mondiala sul territòri de la Marjarida. Es aital que crea en 2012 l'espectacle «  Le chemisier jaune ». A travèrs aquela creacion, dona la paraula a las e a los que l'an pas agut, a los e a las que foguèron macats dins lor carn e dins lor arma sens lo poder dire. 
Per Séverine, questionar aquela paraula que data de 80 ans, nos permet d'interrogar lo nòstre monde contemporanèu qu'arrèsta pas d'èsser esquiçat per de guèrras. 
Aquela primièra creacion se farà en collaboracion amb Arnaud Cance, cantaire e musician tradicional de cultura occitana.  


L’engagement…
Son experiéncia professionala dins lo domèni de l'environament es una sorsa dins la quala posa regularament per noirir sos racontes. D'alhors, per Séverine, la literatura orala a tanben un ròtle de jogar dins la creacion de ligams entre l'Òme e la Natura. Es per aquela rason que propausa de passejadas contadas per fin que l'imaginari pòsca èsser un vector de la proteccion  de l'environament. La visita del bòsc sacrat de Kpassè al Bénin, pendent sa participacion als Rencontres Internationales de las Arts de l'Oralitat (RIAO) 2021, an encara afortit aquel sentiment.
Los RIAO 2021, auràn prigondament marcat la contaira a la possan a interrogar  encara mai prigondament sa cultura pròpia, la plaça que lo monde occidental e la mondialisacion daissan a la literatura orala e a las lengas minoritàrias dins nòstre quotidian. Literatura orala e lengas minoritàrias que permetan d'aver una autra lectura del monde e d'encontrar l'autre dins tota complexitat. 
La transmission…
Séverine desira que la paraula contada jògue un ròtle dins l'educacion dels petitons. Aital, en collaboracion amb Relais d'Assistentas Mairalas, inícia talhièrs de transmission de jòcs de dèts, de comptinas... alprèp de professionals de la petita enfança. Per Séverine, aquelas petitas formas conduson l'adulte contaire e l'enfant dins una relacion diferenta de la relacion pragmatica e racionala. Menan a sortir de la paraula quotidiana e permetan de dintrar dins una paraula simbolica e poetica. D'aquela experiéncia va nàisser l'espectacle « Poma ! » amb la complicitat d'Arnaud Cance. 

Extrait du spectacle Le Chemisier jaune avec Arnaud Cance. Crédits Label Sirventés. 


Extrait de « Poma ! » avec Arnaud Cance. Crédits Label Sirventés.



Contactez nous a propos de cette page