Provençau planetari, Montanaro amassèt de sei viatges un boquet de melodias, mòdes, ritmes que son venguts noirrir son escritura sus leis instruments tradicionaus de Provença.

Lei peças que compausan aqueu programa evòcan caduna un luèc magic. Aquelei luècs an marcat Montanaro pendent sei passatges...(Gumuk vilatge au pè dau Merapi, Kokologho sector 4 Burkina Faso, leis isclas d'Ièras, la mar Negra o la Mediterraneia, lo Bosfòre e lo Darfor, o Soweto...) Deis Aups ai Rodopas, dau Rif a Tessalonica, d'Alexandria a Correns Montanaro jòga, cònta e nos entraina sus son camin sensa fin que sembla un personatge de cònte iniciatic... Ancorat despièi totjorn en Provença, es un regach crotzat sus lo Monde, lei flabutas e sus lo Galobet-Tamborin, aquel instrument mai d'un còp secular que tòrna trobar aquí joinessa, actualitat, obertura, soplesa... entre escritura e improvizacion, rigor e convivialitat, seriós e fantasiá, relfeccion e jòia, umor e virtuositat...estonant !

INSTRUMENTS : Galobet St Barnabé, en là, en ré grèu, en ré agut, en dò, fuljara,… Tamborin provençau, Tamborin medievau. Molinde  Musica, Shruti Box de Mino, Crotales…