fabrica

Basa : Tota la creacion occitana
Licéncia Licence Ouverte
Brice Duisit

Brice Duisit

Domaine d'activité : Musicien Conférencier
Genre : Conférence
Secteur : Musique
Aire culturelle : Languedoc
Occitan : Moitié-Moitié
Support : Spectacle vivant
Date : 2001


Lautista de formacion, seguís los corses del Conservatòri Nacional de Musica de Pau. Passionat de las musicas medievalas, se perfecciona al CNSM de Lion en paleografia musicala e dins la pratica del contrapunt dels sègles 12 e 13. Son interès creissent per l'epòca romana (sègles 11-12) lo mèna a abordar lo repertòri de las poesias liricas e a s'iniciar a la vièla d'arquet. S'enseguís tota una recèra sus las primièras poesias en lengas romanas e desvolopa una interpretacion de tria basada sul rapòrt del tèxte a la musica, de l'instrument a la votz, del compausitor a l'interprèta...

Dempuèi 2001, Brice Duisit dirigís regularament de formacions pels musicaires medievistas professionals e de programas de recèrcas sus l'interpretacion de repertòris romans de lenga occitana en partcipant a d'enregistraments regularaments premiats per la prensa internacionala especializada. En seguida dels disques Las cansos del Coms de Peitieus e La Passion de Clermont, trabalha a un tresen enregistrament en solista sus l'atipica poesia d'amor del trobador Marcabru (1èra mitat del sègle 12). Brice Duisit trabalha exclusivament sus d'instruments ancians restituits en collaboracion amb lo lutièr organològa Christian Rault.


Contactez nous a propos de cette page