fabrica

Basa : Tota la creacion occitana
Licéncia Licence Ouverte
Nelson Poblete

Nelson Poblete

Domaine d'activité : Chanteur Musicien
Genre : Chanson Trad/Populaire
Secteur : Musique
Aire culturelle : Catalonha
Occitan : Un peu
Support : Spectacle vivant
Ligams




Nelson Poblete nasquèt al Chili. Guitarrista, autor compausitor e interprèta folk demòra a Barcelona, ont realizèt la mai granda part de sa carrièra artistica. Ganhèt maites prèmis dins de festenals, joguèt un temps dins de salas aprisencas e en Bretanha al Festenal Interceltic de Lorient. S'es tanben lançat dins de viradas sòlo amb sas compausicions pròpias en França, Itàlia, Belgica, Alemanha, Anglaterra e Escòcia.

Las cançons de Nelson Poblete contan d'istòrias e son plenas d'unfluéncias musicalas coma lo bluegrass, lo country e lo folk celtic. Abòrdan de questions amb umor, nostalgia, e poesia. Escriu de cançons en espanhòl e catalan, mas son repertòri compren tanben de cançons tradicionalas e de represas en anglés, francés, italian e occitan, que n'es apassionat dempuèi que ne descobriguèt la lenga tràs la musica, notadament Nadau.

Nelson Poblete se pòt produsir solet o amb d'autres musicians, acompanhat a la guitarra espanhòla o acostica, lo Mountain Dulcimer de las Apalachas, o lo ukulélé. Dempuèi 2007 es regularament acompanhat pel musician american Ricky Araiza, amb mai d'un instrument a còrdas (banjò, mandolina, bozoki, guitarra acostica e electrica). Aquel joguèt, demest d'autres, los Eagles, Eric Clapton, John Denver e Bruce Springsteen, e en Espanha amb La Vella Dixieland, Pep Sala e The Stompers.



Contactez nous a propos de cette page