fabrica

Basa : Tota la creacion occitana
Licéncia Licence Ouverte
Bernard Lubat

Bernard Lubat

Domaine d'activité : Musicien
Genre : Expérimental/Contemporain Jazz/Blues
Secteur : Musique
Aire culturelle : Gascogne
Occitan : Un peu
Support : Spectacle vivant
Date : 1970
Ligams




Bernat Lubat es un musician de jazz nascut lo 12 de mai de 1945 a Usèste, pichona comuna de Vasadés. Estudièt al Conservatòri de Bordèu, puèi a París. Engatjat per l'orquèstra de Jef Gilson, acompanhèt de vedetas de varietat. Jòga e trabalha amb Jean-Luc Ponty, Michel Portal, Martial Solal, Eddy Louiss, e tanben Stan Getz. Tanben cantèt dins lo grop los Double-Six, coma Eddy Louis d'alhors. Tanben jòga de musica contemporanèa, Varèse, Xenakis, Berio. Participa activament a l'experiéncia del free-jazz. Es un multiinstrumentista de talent capable de jogar dins totes los contèxtes imaginables, del balèti popular a l'estudio (se definís el meteis coma un « malpoli-instrumentista »). Exercís sos talents principalament sus la batariá e lo piano mas tanben a l'acordeon, al vibrafòn, a las percussions e al cant (es un redobtable scataire). Acompanhèt longtemps Claudi Nogaròu puèi fondèt lo Festenal d'Usèste en 1977, e La compagnie Lubat, que serà una orquèstra d'acuèlh de musicians nombroses (André Minvielle).

A partir de las annadas 80 trabalha amb Fèlix Castan a l'entorn dels concèptes de pluralitat (lo contrari de la diversitat), lo dobte ("Je joue ce que j'en deviens"), e participa mai largament al movement de la Linha Imaginòt amb d'escrivans (Bernard Manciet, Michel Ducom), musicians (Claudi Sicre, Massilia Sound System, Femmouzes T), improbables (René Duran), dramaturgs (André Benedetto)...

En 2006, es estat nomenat Comandaire Requesits de l'Òrdre de la Grande Gidouille.




Contactez nous a propos de cette page