F.U.O.C., un espectacle per jove public de 3 fins a 6 ans. Ambe son exigéncia visuala e sonòra, fa cabussar l’espectator dins un mond oniric portat per de tèmas fondators.
La scèna se passa dins un musèu d’art contemporanèu. Lo decòr vivent se compausa d’un mobil que presenta doas familhas (fa pensar benlèu a un arbre genealogic), d’un tablèu abstrait e d’una escultura.
La mesa en scèna s’apieja sus l’onirisme de l’art , sas influéncias e la dubertura d’esperit que pòt fargar. La creacion sonòra balha vida a las òbras e lo trabalh scenografic es simplament lo perlongament dau grafisme dels libres totes dos grafics e non-figuratius.
Avèm trabalhat ambe dos libres per la joinesa : « Blavet e Jaunet » de Léo Lionni (edicions Ecole des Loisirs) e « Ubu » de Jérôme Ruillier (edicions Bilboquet) per n’en far una liura adaptacion. Avèm mes en evidéncia los tèmas principals de las doas istòrias : l’acceptacion de la diferéncia, lo poder e l’autoritat.
Los dròlles seguisson l’aventura d’una gardiana de musèu encargada de susvelhar d’òbras coloradas e graficas que parlan. La gardiana va èsser emportada dins un univèrs
decabestrat ont las òbras siá desapareisson siá engolisson las colors e tot aquò mesclat
dins una istòria ont la gardiana va èsser forçada de s’implicar e prene posicion se vòl sauvar sa plaça e tornar rendre lo musèu coma lo trobèt.
Liura adaptacion de Myriam François e Angelica Grandgirard
Mesa en scèna : Myriam François
Ambe Angelica Grandgirard
Creacion sonòra : Benjamin Van Migom
Vestit : Sûan Czepczynski
Decòr : Arscenes e lo talhièr de HTH
Espectacle pel jove public
Durada : 35 min
art-cie@wanadoo.fr
www.art-cie.net
04.67.65.76.59 / 06.95.89.57.52
Lo dimècres 23 de març a 15:00
Lo dissabte 26 de març a 19:00
E lo dimenge 27 de març a 16:00
Teatre de la Vista a Montpelhièr
42 rue Adam de Craponne
Tel. 04 67 58 90 90
Contactez nous a propos de cette page