X

Bélouga Quartet

Estil : Trad

Domeni d'activitat : Grop

Lenga : Bilingue Occitan-Français

Membres : Benjamin Melia, Valentin Conte, Sébastien Bourrelly, Florian Mesureux

Fa part de : Compagnie Montanaro, Les Monts Rieurs

Airal lingüistic : Provence

Amassar quatre tamborinaires formats a d'escòlas diferentas auriá poscut èstre una escomesa. De fach, lo galobet-tamborin, instrument emblematic en Provença, es jogat de la termièra amb lo Piemont italian a Camarga, e de Provença centrala a la Val de Ròse. La diversitat d'aqueles territòris va amb aquela del galobet-tamborin, que los repertòris, los biaisses d'en jogar, la tenguda e la talha diferisson als quatre cantons de Provença. Lo Belouga Quartet, constituit de tamborinaires de la nòva generacion, es la reunion d'aqueles territòris musicals, lo miralh d'una diversitat a l'entorn d'un meteis instrument. Aquesta creacion encarna la pluralitat d'una pratica, nos libèra dels mecanismes de pensada ligats als prejutjats e nos mòstra tota la diversitat amagada jos aquel instrument singular. Per capitar l'escomesa, Benjamin Melia, director artistic del projèct, s'entornegèt de Sebastien Bourrelly, Valentin Conte e Florian Mesureux. L'espectacle es cò-produch per Les Monts Rieurs / Le Chantier, centre de creacion de novelas musicas tradicionalas e musicas del monde, amb lo sosten del Conselh Regional Provença-Alps-Còsta-d'Azur.

Coordenadas de l'artista

https://www.facebook.com/B%C3%A9louga- -303020649807917

Escrivètz a la Fabrica

<