fabrica

Basa : Tota la creacion occitana
Licéncia Licence Ouverte
Los Goïats

Los Goïats

Secteur : Musique
Aire culturelle : Limousin
Occitan : Un peu
Support : Spectacle vivant
Membres : Nicolas Peuch : accordéon diatonique
Gilles de Becdelièvre : accordéon diatonique
Ligams



L'aparelh mai simple per sublimar un dels instruments mai complèxes, aquò podriá èsser la devisa dels Goiats. Lor formula : dos acordeons que se respondon, un pauc de cant, un pè per ritmar lo tot e en avant balèti ! Dos « goiats », dos instruments, un grop, mas dos percors plan diferents : los grops folclorics per Nicolas Peuch, lo jazz per Gilles de Becdelièvre, pianista tombat amorós de l'instrument mai aimat de Marc Perrone fins a l'ensenhar. Tant val dire qu'aqueles dos son, a la debuta, pas del meteis monde musical ! Òc mas vaquí, son amics, aguèron l'enveja d'alargar lors orizons e d'o far amassa, decidiguèron doncas de far cadun un pas (de dança) cap a l'autre. La resulta : una musica vertadièrament populària, viva, que pana tant al repertòri oral occitan qu'a la cançon pop. Sens complèxes e sens constrenchas, los dos peiregòrds an plan compres que la musica tradicionala èra evolutiva e que se podiá tot imaginar, del moment que se seguissiá una règla simplassa : far dançar tot lo monde !


Contactez nous a propos de cette page