X

Théâtre des Origines

Estil : Teatre de carrièra, Jove public, Teatre

Sector : Teatre

Domeni d'activitat : Companhiá

Lenga : Bilingue Occitan-Français

Airal lingüistic : Lengadòc

i

Lo Théâtre des Origines foguèt creat per un collectiu d'artistas que desiran pausar la question del ligam entre lo Patrimòni viu e creacion artistica en territòri mediterranèu. Al delà d'un espectacle, defend una forma artistica que fa apèl a las « practicas performativas » e desvolopa aital una recèrca per la fabricacion d'una etno-scèna, la mediacion dels patrimònis vius e l'elaboracion d'un teatre d'ecologia culturala.
Se los espectacles e los rituals (e/o espectacles-rituals) del Théâtre des Origines fan apèl a çò qu'es comunament nommat « arts e tradicions popularas »,  ne son pas mens prigondament ligats a l'actualitat sociala e la politica. 
Lo laboratòri de la Ciá naviga perpetualament entre Teatre, Ritual e Politica coma d'unes miralhs que rebaton eternalament las questions fondamentalas que sos-tendon lo concèpte de Cultura. 

BIOGRAFIA

En 2004, lo collectiu Pebrin, premissa de l'actual Théâtre des Origines, pren naissença portat per d'unes membres de la licéncia professionala Acteurs sud. Lo collectiu estructura son prepaus e sa creacion a l'entorn de las fèstas ritualas sasonièras que la Sant Blasi constituís la primièra etapa, e que condutz a l'elaboracion d'un concèpt en tres temps, las Temporadas, actualizat cada an per la tropa. En parallèla, lo collectiu se dobrís a de practicas novèlas, musica e teatre qu'intègran lo repertòri prepausat.

Aprèp quatre ans de reflexion e de cèrca dins lo quadre del collectiu Pebrin, lo desir de plaçar al sen  de lor creacion, lo rapòrt de l'òme a la natura e al monde invisible, condutz Perrine Alranq, Ania Wasniowska e Marie Gaspa a crear una tropa novèla. Es la naissença en 2008 del Théâtre des Origines. Aquel primièr reviscòl dobrís de perspectivas ineditas, especializacion e professionalizacion dels membres fondators d'una part , proposicions de contenguts de formacions e de mediacion a destinacion del public adulte d'autra part. 

En 2014 e lo despart del brèç de Pesenàs que visquèt se desvolopar las primièras accions del Théâtre des Origines, lo collectiu se dobrís a d'orizonts novèls, geograficament coma artisticament. 

ACTUALITAT


La tropa : 
  • Perrine Alranq, comediana, autora, cercaira.
  • Marie Gaspa, comediana, autora, coregraf, gestion evenimenciala. 
  • Ania Wasniowska, comediana, autora, meteire en scèna.
  • Isabelle François, comediana, meteire en scèna, cantaira.
  • Alex Krawczyk, regidor general.
  • Sûan Czepczynski, estilista e garda-rauba montpelhierenca. 
Actualitat e perspectivas : 

Lo Théâtre des Origines, que desvolopa una reflexion generala sus las relacions entre patrimòni viu e creacion artistica, propausa un repertòri tot public e joinessa, e tanben una ampla ofèrta d'accions de sensibilizacions e de mediacion : projècte de territòris, estagis, talhièrs, conferéncias teatralas... Las formas e los contenguts son regularament repensats e adaptats a la seguida d'una concertacion dirècta amb los programators e operators locals. 
Lo collectiu perseguís de mai, una entrepresa de recèrca-accion que donèt naissença en 2018 a un laboratòri d'experimentacions multiformas – rencontres, conferéncias, publicacions numericas, experimentacions de terren, forums participatius o tota autra forma pensada en comun – qu'explòra los questionaments actuals dins los domenis de l'etnologia, de las etno-sciéncias, del patrimòni, de l'educacion populara e de la creacion artistica en mitan dit «minoritari» dins una volontat de provocar de cambiaments de paradigmes. 

LIGAMS UTILES : 

Site internet : http://www.theatredesorigines.fr/ 
Pagina Facebook : https://www.facebook.com/theatredesorigines.pebrin/ 
Compte Viméo de la tropa : https://vimeo.com/user77320468



SANT JOAN DU MUSCAT par le Théâtre des Origines from Théâtre des Origines on Vimeo.

Temporadas de Sant Joan du Muscat (2018), un spectacle-rituel du Théâtre des Origines - Musique : Saboï (Saboi.fr contact@saboi.fr). 
Captation en juin 2018 par Florent BENOIT VISUAL (https://www.facebook.com/FlorentBenoitVISUAL/) 

Coordenadas de l'artista

Théâtre des Origines
11 chemin du moulin 34 620 Puisserguier
06 25 61 60 80 06 81 59 54 77

Escrivètz a la Fabrica

<